Ribadeo, 3 de agosto de 2016. Os comercios de Ribadeo ofrecerán descontos especiais e sorpresas durante a celebración da Noite Fluor, que organiza ACISA este xoves, 4 de agosto. Os establecementos permanecerán abertos ata as once e media da noite.
O presidente de ACISA, David Martínez, asegura que “é unha noite moi especial como todos os anos. Consiste en que os establecementos participantes ofrecen moitos descontos, sorpresas e agasallos nas tendas que abrirán ata as once e media da noite”. E agarda que “a xente goce do noso comercio e da nosa hostalería”.
David Martínez anunciou que “teremos un tren fluor e actuacións musicais. Temos catro grupos este ano que van facer as ledicias da xente, o grupo Woody, The Keng Song que fan versións de blues, Upper West Loop que fai cancións moi modernas que gustan moito, e DJ Lelé, que é moi coñecido nesta zona que vai deleitarnos coa súa música tamén”.
O presidente de ACISA manifestou que “o programa da Noite Flúor é moi completo este ano e a xente pode gozar de xogos tamén para os nenos, quedarse a comer por aquí, tomar algo en Ribadeo, comprar, cear e gozar de todo o que temos preparado”.
Martínez subliñou que “tamén estará o tren fluor paseando pola zona, de balde, con varias paradas para que a xente non teña que levar encima as súas compras”. E dilles a ribadenses e visitantes “que se preparen, sabemos que as tendas van ter ofertas especiais e agasallos moi divertidos. As pulseiras que temos sempre para que os nenos vaian buscándoas polas tendas. Vai haber moitas novidades, pero mantendo a esencia de sempre da Festa Fluor”.
Na Noite Flúor participarán as seguintes tendas: La Moda Hombre, PC Ribadeo, Bis a Bis, Tu&Tú, Eurekakids, Lencería Julia, La Moda Sport, Terra Branca, Folder, Bora Bora, Sweet Monkey, Mercería Vizcaya, Menoslobos, Joyería Modesto G, Mika, Sanjurjo Moda, Esprit, Miss-tic, Glass, Naná, Anais, Refan, Farfala, Din&Don, Maravalla, Güendolina, Xeito Decoración, La Florida, Chocolate junior&baby, Platería Gutié, Pippol´s, Saia e Hola Ola.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
