Burela, 26 de agosto de 2016. O Concello iniciará en breve o proceso para licitar o servizo de limpeza que ata o de agora levaba Celta Prix. Este foi un dos acordos abordados no pleno extraordinario celebrado esta mañá no que ademais se aprobou a sinatura dun convenio coa Deputación por importe de 350.000 euros para a realización de diferentes obras e servizos.
O alcalde, Alfredo Llano, explicou unha vez rematado o pleno que “tivemos un pleno extraordinario onde basicamente se trataban dous puntos fundamentais. Un deles era a proposta sobre a iniciación do procedemento de licitación do contrato do servizo de limpeza viario no Concello de Burela. Agora xa está rematando a empresa á que lle corresponde pola situación na que está. Hai que facer o procedemento para que se dea legalidade ao servizo. Celta Prix está para rematar polas circunstancias concretas da empresa. Temos que sacar a licitación e iniciar o procedemento e o proceso para licitar o servizo a unha empresa coas condicións dun ano máis outro”.
O rexdor subliñou que “isto foi aprobado hoxe, polo tanto en canto poidamos xa sacamos os pregos de condicións que serán aprobados no próximo pleno, e inmediatamente abrimos o proceso de licitación e de concurso para que as empresas poidan presentarse e aquela que mellor oferta presente sería a que colla o servizo para un ano máis un de prórroga”. Este asunto contou cos votos favorables do PSOE e coa abstención do PP e do BNG.
Llano manifestou que “o outro punto era o acordo para asinar o convenio coa Deputación, que foi aprobado tamén. Explicáronse as obras e os servizos que se pretenden realizar cos 350.000 euros que a Deputación dá a través deste convenio para o Concello de Burela que se van repartir en diferentes proxectos, obras e servizos. Eu pasarei a semana que ven a asinar este convenio e despois hai que solicitar o adianto do noventa por cen para ir facendo obras”.
O alcalde burelés salientou que “hai que ter en conta tamén que ademais temos unha obra do POS valorada en case 48.000 euros para atender a sinalización vertical e horizontal no noso concello. Imos ter tamén por parte da Deputación unha axuda de 16.000 euros do plan de aforro enerxético e tamén temos unha axuda de 3.200 para a atención das TIC, 17.000 euros para axuda no fogar e case 30.000 euros para un plan de emprego co que imos poder contratar sete empregos a tempo parcial durante seis meses”.
Alfredo Llano asegurou que “a Deputación eu penso que se está portando ben co noso concello, creo que se van notar moito estas axudas e imos facer obras e servizos co fin de mellorar as condicións de convivencia dos nosos veciños”. Este asunto contou co apoio do PSOE e do PP e coa abstención do BNG.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
