Dentro do programa de obradoiros e actividades de outono que ofertamos no Museo Provincial do Mar de San Cibrao este sábado 19 de novembro levamos a cabo a actividade Outono no mar.
Participaron integrantes do noso Club Pequeamig@s e nel falamos dos cambios que se producen no mar durante o outono, das migracións que inician moitos habitantes do mar e dos froitos máis típicos desta estación.
O próximo obradoiro para os Pequeamig@s terá lugar o sábado, 3 de decembro, Día Mundial da Discapacidade, de 11:30 a 13:00 h co título Non existe o imposible.
Para participar nestes obradoiros, como sempre totalmente gratuítos, só é necesario inscribirse no propio museo, chamar por teléfono (982 594572) ou a través do correo electrónico museodomar@museolugo.org.