O Concello de Xove presenta o programa de Nadal con actividades programadas para estas datas que comezarán o venres 16 de decembro cun obradoiro de colocación do Belén na OMIX para rapaces e rapazas de 10 a 18 anos que se desenvolverá entre as 17.00 e as 20.00 horas. E o domingo 18 de decembro o salón de actos do Centro Cívico acolle o concerto de Sons de Celeiro a partir das 18.00 horas.
Xa máis preto do Nadal, o xoves 22, Papa Noel visita Xove de 11.00 a 13.00 horas no salón de actos do Centro Cívico. E o venres 23 de decembro, a partir das 21.30 horas no pavillón municipal, celebrarase o VI Concurso de Karaoke para o que está aberta a inscrición a través da Oficina de Cultura. Os ensaios desenvolveranse o mesmo día entre as 17.00 e as 19.00 horas.
O día de Nadal, 25 de decembro, o pavillón municipal acollerá a partir das 18.00 horas un especial co espectáculo infantil “Superfesta co mago loco” e chocolatada gratuíta. Pero, as actividades continuarán para os máis pequenos e pequenas durante toda a semana. Entre o luns 26 e o venres 30 desenvolverase a semana “Lecer Blanco” con cociña creativa, manualidades, mindfulness, música, xincana, karaoke e moito máis… Organiza a ANPA Pedro Caselles Román. Inscricións ata o 16 de decembro a través do teléfono 667 201 429. Tamén se proxectará o martes 27 o filme “Mascotas” a partir das 17.00 hora no Salón do Centro Cívico.
A OMIX acolle o torneo de futbolín para rapaces e rapazas de entre 12 e 30 anos o mércores 28. A inscrición está aberta na propia OMIX o 23 de decembro.
A Orquestra Clásica de Xove ofrece o mércores 28 o gran concerto de Nadal a partir das 20.00 horas no salón de actos do Centro Cívico. O venres 30 será a quenda do concerto Escolma de Meus a partir das 21.30 horas no salón de actos do Centro Cívico.
O xoves 29 de decembro será a quenda do musical “Panorama Kids” no pavillón municipal de deportes a partir das 20.30 horas. O prezo da entrada é de 10 euros e pódese adquirir a través da páxina de facebook da orquestra Panorama ou a través de www.ticketea.com.
De entrada gratuíta será a festa infantil de fin de ano o sábado 31 de decembro entre as 11.00 e as 13.00 horas no pavillón municipal de deportes.
Xaneiro
O mércores 4 de xaneiro é o Día dos Nenos no que haberá xogos acuáticos na piscina municipal entre as 11.00 e as 14.00 e dende as 16.30 ás 19.30 horas. Tamén haberá inchables no pavillón municipal de deportes entre as 16.00 e as 20.00 horas.
E o xoves 5 os Reis Magos percorrerán as rúas de Xove a partir das 19.00 horas. Á chegada ao Centro Cívico as SS.MM. recibirán aos nenos e nenas. Aqueles que, ademais, queiran participar na Cabalgata como pastores débense inscribir antes do 30 de decembro no teléfono 982 592 001. A discoteca móbil Decibelios poñerá a música a partir das 20.00 horas no pavillón municipal.
O grupo de teatro da Fundación Eu Son de Burela porá en escena o sábado 7 a obra “A morte dun caniche” no salón de actos do Centro Cívico a partir das 20.00 horas.
Xa a finais de mes, o sábado 28 de xaneiro o salón de actos do Centro Cívico acollerá, a partir das 18.30 horas, a presentación da última novela de Rita Morrigan ‘Corazones en el café’, galardoada co Premio Vergara 2016.
Presentación
O alcalde Demetrio Salgueiro, xunto coa concelleira de cultura Dolores Meitín, presentaron este venres o programa de Nadal 16/17 no salón de plenos do Concello.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
