Santiago, 5 de decembro de 2016.- A Xunta aportou ao Goberno Central información e argumentos co obxectivo de conseguir mellorar a proposta da Comisión Europea en relación ás posibilidades pesqueiras para o 2017. Así o explicou este luns a conselleira do Mar, Rosa Quintana, tralo Consello Consultivo de Política Pesqueira para Asuntos Comunitarios, celebrado hoxe en Madrid. Esta reunión é a antesala ao Consello de Ministros de Pesca da Unión Europea da semana que vén, no que se negociarán os TACs e cotas do próximo ano.
Rosa Quintana engadiu ademais que o Goberno galego trasladará tamén estes argumentos a Cantabria, que ostenta a representación das comunidades autónomas en materia pesqueira. Este traballo súmase ao do Goberno Central e ao do resto das comunidades autónomas co obxectivo, incidiu a titular de Mar, de mitigar nas negociacións a proposta de partida realizada pola Comisión Europea. Unha proposta, describiu, “bastante negativa para o noso sector pesqueiro e claramente mellorable”. Neste sentido, e de cara a súa negociación a vindeira semana no Consello de Ministros de Pesca da UE, Rosa Quintana desexou sorte á ministra de Agricultura y Pesca, Alimentación y Medio Ambiente, Isabel García Tejerina, e a todo o seu equipo.
Desa proposta, explicou, a Galicia preocúpanlle fundamentalmente tres temas. Un deles é o posicionamento da Comisión Europea en relación ao Rendemento Máximo Sustentable (nivel óptimo de capturas que pode extraerse dunha poboación de peixes cada ano sen prexudicar o stock). Neste sentido, explicou que a Comisión Europea insiste na necesidade de acadalo para a maioría dos stocks no 2017, cando o que contempla a Política Común de Pesca e o que defende Galicia é que o RMS se acade cando sexa posible ou como límite no ano 2020 e sempre e cando permita ir compatibilizando o aspecto medioambiental das pesquerías cos sociais e económicos do sector pesqueiro.
O segundo asunto é a redución que propón a Comisión Europea para a cota de pescada do sur, dun 36%, e para a do xurelo da zona que vai do País Vasco ata Fisterra (VIIIC), dun 45%. En relación á pescada sur, a conselleira sinalou que Galicia considera que ao estar esta especie sometida a un plan de recuperación que implica esforzo e un TAC, as variacións “non deberían ir máis alá dun incremento ou diminución do 15%. Unha variación superior sería incongruente co plan de recuperación”, argumentou.
Ademais engadiu que, segundo os informes científicos, de manterse o stock nos mesmos niveis deste ano, conseguiríase acadar o Rendemento Máximo Sustentable no 2018 e se aumenta nunha pequena porcentaxe poderíase acadar no 2019. Deste xeito tardarase máis do que propón a Comisión Europea en acadar o RMS, pero poderase manter ao sector pesqueiro activo.
No caso do xurelo, explicou a conselleira do Mar, Galicia solicita que se revisen os datos científicos, “xa que entendemos que a situación do caladoiro é bastante mellor que a proposta que fai a Comisión Europea”.
O terceiro asunto ao que fixo referencia Rosa Quintana é o das especies secundarias (denominadas especies de estrangulamento) afectadas pola política de descartes cero que establece a PCP. Neste sentido, Galicia defende unha flexibilidade na cota destas especies co obxectivo de impedir que os barcos teñan que parar a súa actividade nas especies das que dispoñen de máis cota cando esgoten a cota das secundarias.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
