O Programa de Inmigrantes da Concellería de Inmigración e Cooperación de Burela vai organizar un cursiño para axudar a preparar o exame obrigatorio para adquirir a nacionalidade española. Esta acción está financiada pola Consellería de Política Social da Xunta de Galicia e polo Fondo Social Europeo, segundo deu a coñecer esta mañá a edil Angélica Gómez.
A concelleira socialista explica que “a temática deste curso versa en torno a cinco grandes áreas: Goberno, lexislación e participación cidadá, organización territorial de España, xeografía física e política, cultura e historia de España e sociedade española”.
Angélica Gómez engade que “o cursiño ofertado terá unha duración de 50 horas e será impartido dende o 23 de xaneiro ata o 14 de febreiro en dependencias do Concello de Burela”.
As persoas interesadas en acudir poden solicitar máis información na Casa do Concello ou chamando ao teléfono 982 58 60 00.
A concellería de inmigración e cooperación de Burela organiza un cursiño para axudar a preparar o exame obrigatorio para a obtención da nacionalidade española
Relacionado
-
A Feira do Libro de Foz acollerá este domingo 23 de agosto de 2026, ás 21:00 horas na Praza de Conde Fontao, a presentación do libro ‘Eu voun navegar (Relatos dunha noite de verán)’, escrito por Farruco Graña e ilustrado por Mon Lendoiro
-
A igrexa parroquial de Ribadeo encheuse este domingo para desfrutar do concerto ofrecido por Carlos Núñez
-
O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro ‘Espiritualidad’, coordinado e redactado por Pepe Peinó e no que colaboran outros sete autores de distintas correntes espirituais
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
