Burela, 24 de xaneiro de 2017. O alcalde e presidente da Fundación Expomar, Alfredo Llano, reunirase este xoves, día 26, coa conselleira de Mar para falar da organización da Feira Monográfica Náutico Expomar, que terá lugar do 25 ao 28 de maio.
Llano contou que “este ano corresponde realizar a feira de Expomar, e como temos a exposición é algo que hai que ir organizando, de feito xa se está traballando nisto, polo que temos programada unha cita o xoves coa conselleira de Mar e a directora xeral do Mar, que agora é de aquí da zona”.
O presidente da Fundación Expomar explicou que “neste encontro queremos falar de programar qué tipo de feira imos organizar este ano, cómo imos facelo, e que teñan unha información da Xerencia de Expomar para que vaian sabendo o noso propósito, que é facer unha feira acorde co interese que debe ter”.
Alfredo Llano subliñou que “é unha das feiras máis importantes que se celebran agora en toda España, e polo tanto imos seguir dándolle esa dimensión e esa importancia”.
O tamén alcalde burelés relatou que “imos falar tamén dos investimentos e das axudas, e de todo aquilo que favoreza que esta feira se poida realizar. Tamén imos mirar onde facer as presentacións. Eu calculo que faremos unha en Santiago, pero tamén na provincia sería interesante, estamos pensando nun lugar claramente favorable para que se coñeza e se poida aportar a todos os interesados a información que precisen. Buscaremos un lugar idóneo para presentar Expomar”.
Llano engadiu que “estamos xa organizando, preparando e traballando na nova edición de Expomar, que será a XVII, e que terá lugar na penúltima semana do mes de maio. Imos procurar facelo con todo o rigor e ter todo preparado para que sexa un éxito. Esperamos que sexa así esta nova edición”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
