Burela 5-1-17. Case mes e medio despois a liga de Primeira RFEF volve poñer o esférico en xogo. O Pescados Rubén Burela FS regresa á competición na 13ª xornada recibindo o ano novo este sábado como peche da Tarde Laranxa, ás 19.30 horas, fronte ao Jimbee Roldán FSF; antes Vista Alegre acollerá outro duelo galego-murciano, en Primeira LNFS, coa visita de ElPozo Murcia FS (17.00 horas).
“Tiñamos ganas xa de competir e eu personalmente tamén de ter a rutina de adestramentos coa expectativa de xogar o sábado. Foi un parón bastante longo, aínda que nos veu ben porque en decembro chegamos con bastante carga e serviunos para repoñer enerxías, descansar un pouco e estar ben psicoloxicamente” explicaba a meta burelista, Joziane de Oliveira.
Na Bomboneira recalará o equipo da porteira ex-laranxa Andrea, na sétima praza, con tan só 4 puntos por baixo da cuarta galega. “Vén un equipo moi competitivo que está bastante preto na táboa. Logo dun parón tan longo, traballar sobre todo en defensa daranos seguridade para afrontar o partido e exploraremos as posibilidades de contraataque. Ao xogar na casa, eu espero que o partido se poña ao noso favor, pero se non é así teremos que ir presionar máis para buscar o resultado positivo”, reflexionaba a 1 burelista, confesando os seus obxectivos para 2017: “Seguimos no proceso de facer equipo, este ano seguimos pensando en mellorar, no traballo diario e que poidamos chegar ao final de liga satisfeitas co noso rendemento”.
O comezo de 2017 tamén trae para as mariñás compromiso de semifinais en Copa Galicia, o 28 de xaneiro, na pista do Ourense Envialia. “É un reto que está ao noso alcance outra vez, oxalá poidamos estar de novo na final xa que o ano pasado foi así”, falaba así a brasileira da cita irmandiña.
Lucas e Julio Delgado terán como dubida a Dany, por torcedura nun nocello durante o adestramento de onte; Shiori incorporarase hoxe ao traballo do grupo e Cilene chegará mañá desde Brasil. A última sesión está prevista para mañá pola mañá.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
