Foz, 4 de xaneiro de 2017. O Grupo Municipal do BNG de Foz urxe á equipa de goberno a que presente ante a veciñanza o proxecto de humanización de Avenida da Mariña e Álvaro Cunqueiro, tal e como se acordou no pleno de novembro. “Máis unha vez o Alcalde de Foz e os seus concelleiros esquecen os acordos plenarios e agóchanos no caixón”, indican nun comunicado de prensa as concelleiras nacionalistas Lorena Seivane e Teresa Rego, quen lembraron que “no pasado pleno ordinario do mes de novembro a corporación municipal de Foz acordou por unanimidade, a proposta dunha moción do BNG, presentar publicamente aos veciños, contando coa presenza dos redactores do proxecto, a proposta de humanización do espazo urbano da Avenida da Mariña e de Álvaro Cunqueiro”.
“Non é de recibo que cando as obras se atopan a piques de comezar a equipa de Goberno siga sen dar a coñecer o proxecto. A día de hoxe, tal como se puido comprobar na mesa redonda convocada polo BNG no mes de novembro e na que participaron representantes da ACIA e da Asociación de Veciños, o descoñecemento sobre o proxecto é absoluto, non só entre os veciños e veciñas afectadas, senón entre a totalidade dos axentes sociais da vila”, sinalan Teresa Rego e Lorena Seivane. As concelleiras nacionalista consideran “cando menos sospeitoso que desde o Concello se neguen a dar a coñecer un proxecto que en palabras do propio Alcalde está chamado a mudar a fisonomía urbana do Concello”.
O Bloque Nacionalista Galego entende que “esta falta de vontade por dar a coñecer o proxecto casa á perfección coa xa clásica táctica do goberno local de aprobar mocións que logo non executa, algo que o invalida como interlocutor serio, e sitúase na máis elemental falta de respecto aos veciños. Pero aínda hai máis, xa que a tan cacarexada humanización semella camiñar cara outra oportunidade perdida, na medida en que, lonxe de formular unha proposta distinta de modelo urbanístico, o que se pretende é un simple lavado de cara, lavado que lle vai custar moi caro aos veciños do Concello. A máis os aspectos básicos que unha actuación deste tipo precisa, como son un plan de mobilidade e un plan de tráfico, que recolla solucións aos problemas centrais da zona, como son a perda de pulso económico, a ausencia de prazas de aparcamento ou a dificultade de acometer actuacións que lle permitan dotala de dinamismo non existe por ningures”.
As concelleiras nacionalistas lembraron que “un eixo básico para dotar a Foz ou a calquera outra vila de espazos comerciais é a posta en marcha de espazos dotacionais e de aparcadoiros, problema recurrente nas rúas centrais nas diversas temporadas do ano. Nesta liña, formulamos unha proposta no Concello no mes de setembro, por certo tamén aprobada polo Pleno, na que solicitamos que se iniciasen os trámites para que o Concello de Foz pasase ao dominio público o inmóbel situado fronte á Casa da Cultura, coñecido popularmente polo edificio de Vialmar, e que significaría contar no centro de Foz cunha superficie de perto de 3000 metros cadrados para uso público, así como unha dotación de 362 prazas de aparcamento. Outra vez a proposta no caixón e sen vontade de executala, o que evidencia que temos un goberno que é incapaz de pensar en grande e que carece dun proxecto para Foz, máis alá dos remendos e dos parches”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
