Ribadeo, 16 de xaneiro de 2017. A comisión informativa, previa ao vindeiro pleno municipal, abordará este xoves a modificación das ordenanzas para a concesión de licencias de obra. Segundo o alcalde, Fernando Suárez, o obxectivo pasa por mellorar a xustiza social e para conseguir unha maior celeridade na súa tramitación administrativa.
O rexedor contou que “o aspecto máis principal desta vindeira comisión informativa a celebrar o vindeiro xoves, é a modificación das normativas, das ordenanzas que temos vixentes de cara a dar licencias de obra. Lles imos dar unha nova redacción basicamente para mellorar unha igualdade de trato, unha maior xustiza social entre os administrados, e ao mesmo tempo lograr tamén unha maior celeridade na tramitación administrativa de licencias de obra, especialmente as pequenas licencias de obra”.
Suárez Barcia salientou que “na primeira parte, no que ten que ver coa igualdade de trato, para que todos sexamos iguais. Todo o mundo cando solicite unha licenza de obra vai pagar a porcentaxe que estea establecido, pero de acordo a uns módulos, non soamente ás partidas que redacten os técnicos, os aparelladores ou os enxeñeiros que fagan eses proxectos. Porque vemos que desde que se liberalizaron hai varios anos os prezos regulados polos colexios de arquitectos, etc… vemos que estaba habendo unha disparidade de prezo importante nas mesmas unidades en obras similares. É dicir alguén que viña pedir licenza para facer unha determinada obra similar a outro podería cambiar os prezos segundo o técnico que redactara ese proxecto e polo tanto sería inxusto que uns acabaran pagando máis e outros menos polo mesmo tipo de obra”.
O alcalde explicou que “se buscaron uns módulos, estase facendo como algúns concellos que xa o teñen establecido desde hai tempo, singularmente en cidades, para estandarizar sen que isto supoña un incremento sobre os valores reais, sendo en todo caso inferiores os valores reais da construción. Isto vai lograr unha igualdade de trato con independencia de quen redacte o proxecto”.
Fernando Suárez manifestou que “por outra banda queremos tamén adaptarnos a unha normativa urbanística que hai desde non hai moito tempo, que prevé que non todos os actos polos que se teña que conceder unha licenza de obra se teñan que suxeitar a unha licenza de obra previa, senón que nalgúns casos abonde cunha declaración responsable do promotor, que sexa suficiente para iniciar os traballos que posteriormente comprobarán os técnicos municipais”.
O rexedor subliñou que “isto está referido a que cando alguén a partir de agora queira facer obras de pouca entidade ou de reparación menor como pinturas, goteiras, cambio de canalóns, reformas interiores, cambio de alicatados de cociñas ou de baños e mesmo de fiestras, poderá presentar unha declaración responsable presentar xunto con toda a documentación que se requira, e a partir da súa presentación poderá iniciar as obras”.
Suárez Barcia dixo que “loxicamente os traballos posteriormente serán comprobados polos técnicos municipais de que se adaptaron ao que solicitaron e que fixeran o que realmente solicitaron, se non queren ter problemas despois con revisións ou con expedientes de reposición da legalidade”.
O alcalde insistiu en que “o que queremos é dar axilidade e que o tempo de trámite para a concesión destas pequenas licencias non sexa unha escusa para non solicitalas”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
