A mensaxe que lanza o Executivo do PP ás mulleres é demoledora, alega, “ponse do lado do presunto agresor e ignora á vítima”
Santiago de Compostela, 6 xuño 2025. A portavoz nacional, Ana Pontón, avanzou que o BNG solicitou unha reunión de urxencia da xunta de portavoces do Parlamento para modificar a orde do día e que o presidente da Xunta, Alfonso Rueda, compareza xa no Pleno da próxima semana para explicar “por que estivo tapando e ocultando durante meses” que o exconselleiro do Mar estaba denunciado por unha agresión sexual.
“Queremos saber se nese momento o señor Rueda xa sabía da gravidade dos feitos ou simplemente mirou para outro lado”, apuntou, tendo en conta ademais as alarmantes informacións que se veñen publicando ao longo do día de hoxe.
“Mantivo isto en segredo durante meses e unha vez que se coñece a noticia non só non cesa ao conselleiro, senón que o que vemos é como se utilizan as institucións públicas para intentar dicirlle á sociedade que esta persoa é inocente”, criticou dende Tui, logo dunha visita a distintas empresas localizadas no polígono industrial das Areas.
A líder nacionalista advertiu que esta actitude do Goberno do PP lanza “unha mensaxe moi perigosa á sociedade e ás mulleres” porque “o que está dicindo o señor Rueda é que cando unha muller denuncia, o presidente deste País, en vez de poñerse do lado da muller, o que está facendo é poñerse do lado do presunto agresor”.
Pontón incidiu en que a posición do Executivo de Rueda revitimiza ás mulleres. “E faino un goberno que ten a obriga precisamente de protexer ás mulleres vítimas de violencia de xénero”, recalcou. “É gravísimo e o señor Rueda ten que dar explicacións de por que sabendo que había unha denuncia dun caso de agresión sexual mantivo este conselleiro no cargo e non o cesou”, sintetizou.
Neste sentido, cualificou de “espectáculo bochornoso” que o Goberno do PP despedira ao presunto agresor onte, día no que saíu da Xunta, “entre bicos e abrazos” que “son unha auténtica vergoña e unha humillación a todas as mulleres do País”.
A líder nacionalista recordou que, ante casos similares coñecidos recentemente no Estado, o propio presidente dos populares, Alberto Núñez Feijóo, defendía que unha persoa vinculado ao Goberno que estivera acusada dun caso de agresión sexual “tiña que significar a caída dese Goberno”.
“Aquí non se fai isto, non se asumen responsabilidades, senón que o que estamos vendo é como se utiliza a Xunta para amparar a este presunto agresor sexual o que é dunha gravidade extrema”, denunciou. Por iso, incidiu na necesidade de que Rueda compareza de maneira urxente no Parlamento para dar explicacións e para ofrecer unha desculpa ao conxunto da sociedade e, sobre todo, ás mulleres deste País.
“Ten que desculparse con todas as mulleres polo espectáculo bochornoso e humillante que estamos vendo durante estes días e dar explicacións de por que ocultou que había un conselleiro que estaba sendo investigado por unha presunta agresión sexual”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
