A subdelegada destaca o labor do Goberno de España para vertebrar o territorio e mellorar a empregabilidade da mocidade
Lugo, 5 de xuño de 2025. A subdelegada do Goberno en Lugo, Isabel Rodríguez, alentou hoxe a estudantes do Campus de Lugo da USC e ás entidades públicas e privadas dos 55 concellos da provincia con menos de 5.000 habitantes a participar no programa ‘Campus Rural’ que impulsa o Ministerio para a Transición Ecolóxica e Reto Demográfico coa colaboración do Ministerio de Ciencia, Innovación e Universidades e a Conferencia de Reitores de Universidades Españolas (CRUE).
A iniciativa permite que estudantes universitarios poidan levar a cabo prácticas en concellos de zonas rurais con problemas de despoboamento. No 2025 haberá 750 prazas coa participación de 44 universidades públicas do conxunto do Estado nesta cuarta edición do programa, cuxas bases pódense consultar na web: https://www.miteco.gob.es/es/reto-demografico/temas/campus_rural.html
Isabel Rodríguez sinalou que o principal obxectivo do programa é contribuír ao reequilibrio territorial, incentivando a chegada de capital humano aos espazos máis despoboados para dinamizar o seu tecido produtivo, social e institucional.
As prácticas académicas realizaranse en entidades situadas en zonas de vulnerabilidade territorial, tanto concellos como mancomunidades e outros organismos públicos, así como empresas, asociacións, Cámaras de Comercio e fundacións sen ánimo lucro.
Haberá unha prestación económica de 1.000 euros brutos ao mes por estudante, xunto aos gastos de seguridade social, sen ningún custo para as entidades. A duración das prácticas poderá ser de dous a cinco meses, ata o mes de novembro, e terase en conta a oferta de solucións habitacionais para o estudantado participante.
A subdelegada puxo en valor o labor constante e o firme compromiso do Goberno de España para avanzar en políticas de vertebración do territorio e mellorar a empregabilidade da mocidade.
CONCELLOS DA PROVINCIA DE LUGO
A provincia de Lugo ten 67 concellos e 55 deles contan cun censo inferior aos 5.000 habitantes, segundo datos do Instituto Nacional de Estatística (INE) do ano 2024.
Trátase dos concellos de Cospeito, Cervo, Monterroso, Friol, O Saviñao, O Corgo, Mondoñedo, Xove, Palas de Rei, A Fonsagrada, Quiroga, Barreiros, Begonte, A Pastoriza, Becerreá, Taboada, Guntín, Láncara, Castroverde, Baralla, Pantón, Abadín, Sober, A Pontenova, Lourenzá, Carballedo, O Valadouro, Antas de Ulla, Meira, Xermade, A Pobra do Brollón, Paradela, O Vicedo, Pol, Alfoz, O Incio, Rábade, Bóveda, O Páramo, Portomarín, Samos, Cervantes, Riotorto, Baleira, Trabada, Ourol, Navia de Suarna, Folgoso do Courel, As Nogais, Ribas de Sil, Pedrafita do Cebreiro, Triacastela, Muras, Ribeira de Piquín e Negueira de Muñiz.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
