Dun tempo a esta parte os festivais fóronse convertindo en eventos xestionados por empresas privadas con fins de lucro. Non hai dúbida que esta xestión empresarial move ao seu arredor un número importante de promotores relacionados co sector do ocio e da música, crea postos de traballo temporais e dinamiza a cultura e a economía dos lugares onde se organizan. Ata aquí nada que obxectar e parabéns a estes emprendedores por aportar iniciativas enriquecedoras.
Porén estas inciativas vense cuestionadas eticamente cando entran nelas fondos de inversión que deshumanizan a economía en beneficio da máxima rendabilidade financieira. Neste sentido, estes dias todos fomos coñecedores das encomiables renuncias de espectadores e grupos musicais a asistir a festivais onde está o fondo de inversións KKR, por ser precisamente complice activo da barbarie que se está a perpetrar en Palestina. Estas voces van dirixidas fundamentalmente contra os organizadores para que abandonen a ambigüidade e se desvinculen feacientemente de KKR. Nun xenocio non valen as medias tintas.
Porén hai algo que está a pasar desapercibido e que ten a máxima importancia na esixencia dun comportamento ético exemplar: ademais de contar con patrocinios privados, estes festivais están a ser subvencionados com miles de euros por diferentes administracións púbicas.
Por exempo, aquí na Mariña o Resurrection Fest recibe indirectamente da Deputación Provincial de Lugo mediante un convenio co Concello de Viveiro 150.000€ e directamente arredor de 55.000€ da Xunta. Aquí debemos poñer o foco, pois son cartos públicos que van dunha ou doutra forma ao balance de contas de KKR.
Estas administracións se realmente están sensibilizadas coa masacre que se está a perpetrar en Gaza e desexan poñer o seu grao de area para que non continue, non estaría de máis que tomaran exemplo da recente proposta do Parlamento Español, quen instou ao Goberno do Estado a embargar os contratos de compra-venta de armas a Israel, é dicir: Xunta e Deputación deberían paralisar ou condicionar as súas aportacións ao complimento estricto, sen subterfuxios, dos principios fundamentais do dereito internacional humanitario. Neste xenocidio son máis de 50.000 civís os que foron asasinados en Gaza, entre eles 17.000 nenas e nenos. A maiores, segundo a ONU, arredor de 14.000 bebes están xa a morrer de fame pola estratexia etnocida do Goberno de Israel de obstaculizar a axuda humanitaria.
Xunta, e Deputación Provincial teñen unha obriga moral, que como cidadáns agardamos saiban aplicar en resolucións administrativas acaidas ao caso. Suvencións públicas a festivais si, pero non así.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
