Cervo, 25 de xaneiro de 2017.- O Goberno de Cervo experimentará nos vindeiros días unha reestruturación que permitirá consolidar e reforzar o equilibrio entre as diferentes áreas de actuación do executivo.
Así, o concelleiro delegado de Obras, Infraestruturas e Medio Rural, Plácido Pérez, será nomeado Primeiro Tenente de Alcalde.
O Goberno contará tamén cunha nova concellería de Patrimonio e Réxime Interno que encabezará o edil Alfredo Antonio Fernández, que entra a formar parte así do executivo.
Unha delegación que cobra especial relevancia tendo en conta a envergadura do Conxunto Histórico-Artístico de Sargadelos ou o Castro da Atalaia, entre outros bens patrimoniais do Concello “sobre os que se seguirá a traballar nos vindeiros anos con especial sensibilidade ao contar cunha concellería específica que redundará no seu impulso e desenvolmento sostible”, tal e como sinala Villares.
Ademais, dado o importante peso das delegacións de Educación, Cultura ou Xuventude como motor dinamizador do Concello de Cervo, o Goberno pretende apuntalar e reforzar estas áreas para seguir a traballar e intensificar a axenda de programación de diferentes actividades lúdicas e culturais, porque “para nós é unha prioridade que cada vez sexan máis e de mellor calidade os servizos prestados neste eido aos veciños e veciñas do Concello”, apunta o alcalde.
Deste xeito, a concelleira delegada deste departamento, Mª Dolores García, incrementará as horas de dedicación co correspondente axuste retributivo, que supón un incremento salarial de 3.700 euros brutos ao ano.
Para poder acadar unha redistribución do presuposto que permita dotar de maior peso específico a áreas como as de Patrimonio, Cultura, Educación ou Xuventude o alcalde de Cervo baixará o seu salario anual un 2%, cunha dedicación mínima de 148 horas mensuais.
Así mesmo, para adaptarse aos novos tempos que marca a sociedade en proceso continuo de cambio, o Concello integrará a un traballador eventual que desenvolverá tarefas de comunicación e información no eido local para dotar dunha maior transparencia, proxección e visibilidade ao municipio en todo o relativo ao tecido social, cultural, económico, deportivo ou patrimonial. Deste xeito, a veciñanza recibirá regularmente información do seu interese, ao verse reforzada tamén a presenza de Cervo nas redes sociais e ao intensificar o servizo da páxina web. Este novo traballador recibirá unha retribución de 18.200 euros brutos anuais.
Esta reestruturación do Goberno de Cervo será aprobada no Pleno ordinario que se celebrará o vindeiro mércores, 1 de febreiro.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
