Burela, 22 de febreiro de 2017.- A asociación de saúde mental A Mariña, con centros en Burela, Ribadeo e Cervo, ten previsto un completo programa de Entroido que inclúe múltiples actividades nas distintas localidades mariñás.
Durante as últimas semanas, os usuarios desta asociación estiveron a traballar na elaboración da sardiña que desfilará por Burela o mércores 1 de marzo, Día do Enterro da Sardiña, e que posteriormente será queimada. A figura construída en A Mariña representa a unha sardiña meiga que porta unha chistera sobre as ondas do mar. Os membros da asociación tamén participarán neste desfile, acompañando á sardiña e visibilizando o seu papel como parte activa da comunidade.
Igualmente, os usuarios de A Mariña tamén foron os encargados de elaborar os trofeos que se entregarán aos gañadores do desfile de disfraces de Burela o domingo 26 de febreiro, para o cal estiveron máis de dúas semanas traballando nos seus Centros de Rehabilitación Psicosocial e Laboral.
Ademais desta colaboración na preparación do Entroido mariñán, a asociación A Mariña dará o seu particular pistoletazo de saída a estas festas coa Festa de Entroido que se celebrará este xoves 23 de febreiro, na Unidade Residencial de Cervo. Nesta celebración participarán preto de 60 persoas entre traballadores e usuarios dos diversos centros da asociación, que gozarán dun desfile de disfraces e un concurso de baile no que serán premiados os tres mellores participantes. Tras un xantar de confraternidade no que haberá pratos típicos destas datas, os membros de A Mariña farán unha saída pola tarde para rematar a festa polo entorno.
Por outra banda, a asociación tamén participará nos distintos desfiles de disfraces da comarca coa súa comparsa “O Enxame da Mariña”, para a cal confeccionaron os seus propios disfraces de abellas, apicultores e mesmo avespas velutinas.
“O Enxame da Mariña” desfilará o día 26 no concello de Cervo, o martes 28 en San Cibrao e o sábado 4 en San Román de Vilaestrofe, ademais de acudir como observadores a outros desfiles dos arredores. Coa súa participación nestas celebracións, A Mariña quere reivindicar o papel activo das persoas con problemas de saúde mental na sociedade e chamar a atención sobre a necesidade de potenciar a súa plena integración social.
A Asociación de Axuda ó Enfermo Mental A Mariña naceu en 1999 e foi fundada por familias afectadas por problemas de saúde mental que uniron os seus esforzos para loitar por un obxectivo común: lograr que aos enfermos mentais e ás súas familias se lles preste unha axuda e asistencia continuada, buscando a integración dos mesmos na sociedade e traballando, para iso, na súa rehabilitación psicosocial e laboral.
Actualmente conta con máis de 200 socios colaboradores e con 75 usuarios, que se benefician dos servizos prestados nos Centros de Rehabilitación Psicosocial e Laboral de Burela e de Ribadeo, na vivenda tutelada de Burela e na Unidade Residencial de Cervo.
FEAFES Galicia, a Federación de Asociacións de Familiares e Persoas con Enfermidade Mental de Galicia, é unha entidade sen ánimo de lucro constituída en 1995. A súa misión é representar os dereitos e necesidades do movemento asociativo das persoas con enfermidade mental. De carácter social, esta entidade ten como obxectivo principal a adopción de medidas que contribúan á mellora da calidade de vida das persoas que sofren problemas de saúde mental e a dos seus familiares.
O ámbito de actuación de FEAFES Galicia abrangue todo o territorio autonómico. Actualmente agrupa a 14 asociacións repartidas por toda a comunidade galega, posúe centros e servizos en 30 localidades e conta cun total de 5.900 socios.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
