Lugo, 3 de febreiro de 2017. O Vicepresidente, Álvaro Santos Ramos, e o Deputado de Goberno Interior, Miguel Ángel Sotuela, entregaron este venres os diplomas a 30 traballadores públicos, que participaron no Plan de Formación do 2016. En total, o organismo provincial ofreceu durante o ano pasado 22 accións formativas, nas que se formaron 795 empregados dos Concellos da provincia e da propia Deputación.
Foron 681 horas de formación, nas que se abordaron os seguintes temas como, por exemplo, xurídicos e procedimentais (274 horas); novas tecnoloxías da comunicación (92 horas); temas específicos para determinados colectivos, como a policía (81 horas); recursos humanos (70 horas); administración electrónica (54 horas); económicos e orzamentarios (40 horas); transparencia e bo goberno (40 horas) ou prevención de riscos laborais (30 horas).
Formación nos Concellos
O departamento de Formación da Deputación dirixe a súa oferta formativa tanto aos empregados do organismo provincial como aos Concellos lucenses. A programación dirixida aos municipios canalizouse, principalmente, a través do Plan Agrupado de Formación Continua, que contou o ano pasado con 600 participantes. Destes, 379 corresponderon a persoal das entidades municipais e 221 a empregados da Deputación. A distribución por comarcas dos 379 participantes dos Concellos foi: 73 da Comarca da Mariña; 64 da Terra Chá; 118 da Comarca de Lugo; 30 da Comarca de Sarria; 12 da Comarca da Ulloa; 42 participantes da Montaña; e outros 40 de Lemos e Chantada.
Accións en curso
Os recentes cambios nas normativas do sector público provocaron unha alta demanda de dúas das accións formativas que están a celebrar actualmente a súa segunda edición. Trátase dos cursos O procedemento administrativo local tras a reforma da Lei 39/2015, no que están a participar 50 persoas, e o curso Lei 40/2015 de Réxime Xurídico do Sector Público, con 52 participantes. Ademais, para atender a listaxe de espera, está previsto que neste mes comece a terceira edición do curso sobre procedemento administrativo, con outros 55 inscritos.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.