Burela, 03 de Febreiro de 2017. Este xoves no pleno do concello de Burela debatíase o futuro do servizo de recollida de lixo, limpeza de praias e xestión do punto limpo. Despois de liquidar a anterior empresa concesionaria do servizo, á cal o concello lle reclama cerca dun millón de euros; a maioría socialista na corporación municipal aprobou o contrato coa nova titular do servizo, a pesar das propostas feitas durante estes meses polos nacionalistas para evitar estar de novo nas mans do sector privado, que non atende polo interese da veciñanza da vila.
“Nos estamos dacordo con finalizalo contrato coa anterior concesionaria do servizo, pero cremos que é un erro embarcarse noutro contrato cos problemas que estamos a ver que xeran este tipo de xestións. Apostamos dende o principio deste proceso por recuperar o servizo, recomendamos ó equipo de goberno unha e outra vez que valorase a posibilidade de mancomunalo con Cervo, pero semella que xa tiñan claro o seu proceder” sinalou Mario Pillado, voceiro do BNG en Burela. O alcalde tratou de defender a súa intención de recuperalos servizos básicos para o concello de Burela, mais os feitos non din o mesmo, posto que xa coa limpeza de dependencias e instalacións municipais aconteceu o mesmo, unha nova empresa privada acadou un contrato que infla o gasto do concello. “Son xa varias oportunidades perdidas e case van dous anos de lexislatura, case a metade, polo que non temos claro se o que se podía ler no seu programa eleitoral era algo mais que palabras. Tamén se comprometeron a facer público o servizo de abastecemento e saneamento de auga e aínda non fixeron absolutamente nada ó respecto” comentou o nacionalista Pillado.
Seguramente se trata dunha problemática crucial para o desenvolvemento do concello, posto que gran parte do apartado de gastos do orzamento se destina a este tipo de servizos, no que priman os beneficios que ganan as empresas fronte a redución do custe para os veciños, o que facilitaría aumentar as partidas en gasto social, para un plan de emprego ou para desenvolve o sector comercial e turístico. “Burela está estancada por estes mesmos motivos, o que se comproba cada ano nos orzamentos. O goberno socialista xa presentou dous presupostos e aínda non mudaron para nada as políticas anteriores, polo que dentro de dous anos cando remate o contrato que acaban de firmar e coas eleccións de novo ás portas non creo que o vaian facer” recalcou o voceiro do BNG.
Os nacionalistas preguntaron pola situación do aparcadoiro do hospital.
Dende que comezaron as obras no Hospital da Costa, estase a producir unha gran problemática entre os usuarios que teñen que acudir á instalación debido a falta de aparcadoiros e á escasa planificación e sinalización existente na zona. Aproveitando o pleno ordinario, o BNG formulou preguntas acerca deste tema, en concreto: que medidas vai tomar o concello de Burela así como a Mancomunidade de concellos da Mariña (recordar que se trata dun hospital comarcal) e que contactos fixo o alcalde coa Xunta de Galiza para solucionar o problema.
Aparte de recordar a responsabilidade e competencias do hospital na zona do aparcadoiro e sinalar á Xerencia do mesmo de falta de planificación, nin respondeu á cuestión sobre o papel da Mancomunidade e limitouse a dicir que a Policía Local fora a “axudar” negando a evidencia con respecto ás multas. “Nos non somos quen para valorar a quen se lle debe ou non sancionar, pero cremos que este tipo de medidas non serven de solución para a problemática á que nos estamos a enfrontar. Anunciouse a apertura dun aparcadoiro mais grande cando comezaran as obras pero ninguén sabe nada del. O alcalde elude as súas responsabilidades con respecto ós veciños de Burela pero tamén como presidente da Mancomunidade da Mariña, área de influencia do centro sanitario, non ten capacidade para coordinarse coa Xunta de Galiza para dar solucións” finalizou Mario Pillado, sorprendido porque o primeiro edil burelao chegase a negar no pleno as sanción que se denunciaron nos medios nas últimas datas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.