Foz, 3 de febreiro de 2017. O Concello de Foz ven de rematar as obras de mellora nos accesos a Vilaxoane. O alcalde, Javier Jorge Castiñeira, e o concelleiro de Obras, Pedro Fernández Manín, supervisaron os traballos, que consistiron na construción dunha nova pasarela sobre o río e a reparación de beirarrúas. Ademais levouse a cabo unha limpeza do río no seu treito final.
O alcalde anunciou que “quedaron rematadas as obras dos accesos a Vilaxoane, particularmente a creación dunha nova pasarela metálica que atravesa a ponte do río Centiño en Vilaxoane, e tamén o adecentamento das beirarrúas dende o cruce que vai a San Martiño ata a ponte”.
O rexedor focense subliñou que “son unhas datas sinaladas porque estamos no fin de semana no que o barrio de Vilaxoane celebra o San Blas, o seu patrón, e creo que é unha obra importante e necesaria que ademais se pediu en numerosos plenos da corporación municipal, especialmente por parte do BNG e Foz Plataforma de Futuro. Atendendo as peticións dos grupos da oposición, na liña que leva o goberno nesta lexislatura, conseguimos facer esta obra”.
Para Javier Castiñeira “esta obra é importante, non polo importe nin pola envergadura, senón polo servizo que vai dar; e proba disto é que o sitio onde está a carpa para celebrar as festas do San Blas vai ser moito máis accesible, moito máis seguro, mediante estas beirarrúas e esta pasarela”.
O alcalde salientou que “é un compromiso máis cumprido cos veciños de Vilaxoane, tamén coa corporación, e polo tanto estamos contentos de poder estrear esta pequena obra de accesos ao barrio de Vilaxoane coincidindo coa súas festas”.
Pola súa banda o concelleiro de Obras, Pedro Fernández Manín, engadiu que “estas obras incluíron a limpeza do río na zona da ponte que atravesa o acceso á estrada nacional en Vilaxoane. A verdade é que nesa zona o río estaba bastante sucio, con moita maleza; e dende logo que agora, no inverno, veulle moi ben esa limpeza na zona da ponte, que quedou incluída dentro das obras”.
Finalmente Pedro Fernández Manín dixo que “en conxunto dáselle unha voltiña importante ás peticións que tiña a asociación de veciños de Vilaxoane, coa que sempre estamos en contacto, e era unha das obras que realmente facían sempre nas súas peticións”.
O alcalde e o concelleiro de Obras aproveitaron para felicitar aos veciños de Vilaxoane por estas melloras e polas súas festas do San Blas, que celebran este fin de semana.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.