Barreiros, 3 de febreiro de 2016. “Certo que o servizo de augas non está privatizado oficialmente, pero gastar 150.000€ anuais en empresas alleas ao Concello para este servizo, achégaselle bastante”. Con esta afirmación a portavoz municipal do BNG, Ana Ermida, insiste na mala xestión do diñeiro público que están facendo Alfonso Fuente e o goberno do PP en Barreiros.
“Non se pode presumir de non ter servizos privatizados cando, de facto, os traballos os están realizando persoas alleas ao concello”, afirma. “E tampouco nos vale que se pretenda culpabilizar da situación ao cadro de persoal municipal, que estarán de baixa cando o precisan e terán os dereitos que lles corresponden. Se o goberno municipal é incapaz de xestionar os servizos co persoal que ten, a responsabilidade é de quen ten que organizar e é incapaz, non das traballadoras e traballadores”, insiste Ana Ermida.
O grupo municipal do BNG puido verificar que no ano 2016 se lle estiveron pagando facturas mensualmente a un empresario autónomo alleo ao Concello por un importe de 2.420€, ademais de facturas soltas por compra de material. “Non entendemos como se pode facturar todos os meses o mesmo por traballos na rede de abastecemento de auga cando non se ten relación laboral co concello, salvo que esteñamos nun deses casos de infracción da legalidade laboral e teñamos diante o caso dun falso autónomo. Pero ademais, tampouco comprendemos a razón pola que se compra material a través desta persoa, en lugar de facelo directamente o Concello, que ten capacidade para iso”, sinalan desde o grupo municipal nacionalista.
As facturas emitidas por este profesional, de fóra de Barreiros, ao longo do 2016 suman un total de 41.866,80 euros. A esto hai que sumar as que presenta a empresa Aqualia, que se encarga da lectura de contadores e xestión dos recibos. Por estes conceptos, as concelleiras e concelleiros nacionalistas tiveron coñecemento das facturas correspondentes a 4 meses (marzo, abril, maio e xuño), que ascendían a un total de 28.448,09 euros. Facendo unha simple multiplicación, podemos ver que saen anualmente máis de 85.000 euros por este servizo.
Desde o grupo municipal do BNG lamentan que “todo este diñeiro que se está a pagar a empresas alleas non sirva sequera para ter un servizo adecuado ao prezo que pagan os veciños e veciñas no seu recibo que foi aumentando nos últimos anos, quizáis como consecuencia destes gastos e, sen embargo, seguen sufrindo cortes de auga e unha calidade que dista moito de ser óptima.”
A limpeza das praias, un novo servizo privatizado.
Desde o BNG recordan ademais que o verán pasado, Alfonso Fuente e o Partido Popular contrataron unha empresa para realizar a limpeza dos areais barreirenses. Por este servizo, pagoúselle a unha empresa a cantidade de 28.050€ por tres meses.
A portavoz municipal do BNG insiste en que “o goberno de Alfonso Fuente quedará no recordo das veciñas e dos veciños por ser o goberno que máis cartos tivo entre as súas mans e o que máis mal os xestionou para o interese xeral e o ben común. A situación municipal, cunha débeda recoñecida de 2,5 millóns de euros e empresas privadas facendo traballos que sempre se fixeron con persoal do concello, só son unha mostra de como se xestionan aquí os cartos de todas e todos”, conclúen.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
