Ribadeo, 30 de marzo de 2017. A Concellaría de Cultura presentou este xoves a súa programación para o segundo trimestre do ano. Entre as diversas actividades que se desenvolverán durante os meses de abril, maio e xuño, haberá teatro para adultos e nen@s, música, encontros literarios, presentacións de libros e exposicións. E ademais continúan o ProxectoR con proxeccións no Teatro os mércores e o Apego para os bebés.
O concelleiro de Cultura, Farruco Graña, manifestou que “comezamos esta presentación falando do evento desta fin de semana que se caracteriza por xuntar dúas constantes da nosa programación cultural, por un lado o apoio ao teatro afeccionado e por outro ofrecer actividades para o alumnado dos centros de ensino. Mutis por el foro é un dos grupos de teatro da Universidade de Navarra que representará unha adaptación da Odisea de Homero. O Teatro acollerá dúas funcións, unha o venres pola mañá para o alumnado de linguas clásicas dos centros educativos ribadenses, e súmase ademais alumnado de institutos galegos e asturianos de concellos veciños. A segunda función para todas aquelas persoas que queiran achegarse a este clásico da literatura o sábado, 1 de abril, ás 20:30 horas no Teatro”.
O edil nacionalista engadiu que “o Concello ven colaborando no que levamos de curso, co que denominados IES Literarios con…, que achegou ata Ribadeo a María Solar e María Reimóndez, e que recibe neste mes de maio a Ledicia Costas, Premio Nacional de Literatura Infantil e Xuvenil no ano 2015. Asemade nenas e nenos de primaria terán unha sesión de animación á lectura na nosa biblioteca pública celebrando o Día do Libro. Ribadeo acolle dentro do programa Ler conta moito a uns vellos coñecidos, a compañía Trinke Trinke con Os ratiños da caixa”.
Farruco Graña salientou que “queremos presentar tamén a programación para este trimestre das tres películas elixidas polo colectivo Doce do patíbulo no ciclo ProxectoR, que nos ofrecen a oportunidade un mércores por mes de ver cinema de autor, clásico e moderno, en versión orixinal no noso Teatro. A maiores poden seguir na páxina de ProxectoR outras proxeccións que teñen lugar en establecementos hostaleiros da nosa vila. Para estes tres meses tócase o drama con Léolo, de Jean Claude Lauzon, o xénero negro con Morte entre as flores, de Joel Coen, e o documental con Human, de Yan Arthus-Bertrand. Tamén do xénero documental imos poder ver O que hai que facer para non ir ao mar, de Iago Vázquez. Unha peza audiovisual que percorre a historia do teatro galego e na que as persoas asistentes teñen a oportunidade de participar nun coloquio cun dos grandes desa historia, o mariñán Manuel Lourenzo”.
O concelleiro de Cultura subliñou que “esta Concellería ademais ten o pracer de participar na presentación do libro Ribadensario, que recolle as colaboracións de Juan Carlos Paraje Manso en La Comarca del Eo. O Apego terá en abril e maio propostas propias, neste caso para bebés que publicitaremos no seu momento. No apartado de exposicións inauguraremos a finais de abril unha exposición sobre a figura de Manuel Orestes Rodríguez López”.
Graña anunciou que “no que respecta á música a Banda Municipal de Música de Ribadeo ofrece os seus concertos de Semana Santa e das Letras Galegas, e a Coral Polifónica interpretará tamén o seu tradicional concerto da Semana Santa na igrexa parroquial. Como é habitual tamén poderemos gozar do festival de fin de curso que prepara o profesorado e alumnado da Escola Municipal de Música e Danza de Ribadeo. No ámbito da música, mais nun xénero distinto, pretendemos seguir afianzando a presenza do rock na nosa programación e no mes de xuño teremos o segundo SonRock, que este ano terá un cartel composto por Ánima e Machina e coa presenza dun grupo local”.
O edil ribadense asegurou que “vai haber unha especial interacción entre o Ribadeo de Tapeo e a programación cultural do segundo trimestre con actos que se reforzan mutuamente”.
Farruco Graña quixo “agradecer a colaboración doutras entidades culturais coas súas achegas á programación cultural deste segundo trimestre. Quedan algúns actos por confirmar para o mes de xuño e queremos prestar especial atención ao mundo da poesía. Cando se concreten algúns aspectos técnicos pendentes publicitaremos debidamente o acto”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
