Burela, 11 de abril de 2017. A ocupación hoteleira en Burela rolda o 100% para esta Semana Santa, segundo os datos que manexa a Concellería de Turismo. Hoxe deron comezo as Xeorutas e o barco museo Reina del Carmen está aberto ata o 16 de abril.
O concelleiro Ramiro Fernández Rey sinala que “desde a Concellería de Turismo estivemos en contacto cos hoteis de Burela e vemos que as perspectivas para esta Semana Santa, se o tempo acompaña e non hai ningún cambio, son excelentes. Estamos falando dunha ocupación dos hoteis que rolda o cen por cen”.
Para o responsable de Turismo “isto a verdade é que é un motivo de orgullo, de estar preparados para esta Semana Santa e traballar duro para que a xente que nos visita estea a gusto. Para conseguir isto puxemos en marcha as Xeorutas que empezaron hoxe. Imos facer un esforzo tamén no barco museo, e imos mantelo aberto todas estas datas festivas para poder acoller a todos os visitantes e ofrecerlles todos os nosos atractivos”.
As Xeorutas teñen lugar desde hoxe, 11 de abril, ata o venres, día 14. A saída desde a Oficina de Turismo, situada no porto de Burela, terá lugar ás 10:30 horas, agás o venres 14 que será ás 16:30 horas. O percorrido descorrerá pola zona do Perdouro o martes e o xoves, e pola Marosa o mércores e o venres. As inscricións deben facerse na Oficina de Medio Ambiente do Concello de Burela chamando aos seguintes números de teléfono 982 586 000 ou 982 580 867.
Este programa de rutas do Concello burelés rematará o sábado, día 15 de abril, cunha ruta polos montes de Burela. A distancia é de 7 quilómetros, ten unha dificultade media e actuará como guía Pedro Rolle. A saída será ás 17:00 horas da praza do Concello. As inscricións deberán facerse na Oficina de Medio Ambiente, o número de prazas está limitado a 30 e os participantes terán que ser maiores de 10 anos.
E o barco museo Reina del Carmen estará aberto ata o 16 de abril. As visitas realizaranse en varias quendas, serán en horario de 11, 12 e 13 horas polas mañás e de 17, 18 e 19 horas polas tardes.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
