Lugo, 26 de abril de 2017- O subdelegado do Goberno en Lugo, Ramón Carballo, presidiu esta mañá a reunión da Comisión provincial de Tráfico e Seguridade Vial na que se presentou e analizou o balance de sinistralidade correspondente ao ano 2016, que reflicte un repunte de vítimas mortais nas estradas lucenses con respecto ao ano anterior.
Así, en 2016 houbo que lamentar nas vías interurbanas da provincia un total de 25 accidentes mortais nos que faleceron 27 persoas, o que supón 10 vítimas máis que en 2015. A pesares dese repunte no número de falecidos, o certo é que ao longo da última década a sinistralidade mantén unha tendencia á baixa nas estradas de Lugo.
EVOLUCIÓN VÍTIMAS MORTAIS EN VÍAS INTERURBANAS
ANO LUGO GALICIA
2000 80 380
2006 59 265
2007 55 254
2008 49 193
2009 34 186
2010 31 179
2011 32 144
2012 25 117
2013 10 98
2014 29 110
2015 17 91
2016 27 106
No que vai deste ano, rexistráronse catro falecidos en sinistros nas vías interurbanas lucenses, oito menos que no mesmo período do ano anterior. Estes datos sitúan á provincia á cabeza de España en canto a baixada do número de accidentes mortais na presente anualidade.
OS SINISTROS
Na xuntanza desta mañá, a xefa provincial de Tráfico, Paula Yubero, fixo unha análise pormenorizada dos accidentes mortais rexistrados na provincia ao longo do pasado ano. Neste senso, lembrou que máis do 85% deses sinistros mortais se rexistraron en vías convencionais (con 23 falecidos) e o resto en autovías. En canto a o tipo de accidente, a meirande parte dos sinistros mortais foron saídas de vía (con 14 vítimas), seguidos das colisións frontais (6) e as colisións laterais ou frontolaterais (4). Boa parte dos falecidos viaxaban en turismo (18), seguidos dos que viaxaban en furgonetas (3) e motocicletas (2). No encontro subliñouse que o ano pasado non houbo que lamentar ningún atropelo mortal nas vías interurbanas lucenses.
Entre outros datos, a Comisión lembrou tamén que as causas máis habituais dos accidentes rexistrados en Lugo durante o pasado ano foron a conducción distraída e o exceso de velocidade, ademais de amosar a súa preocupación porque 6 das 27 vítimas mortais, non facían uso do cinto de seguridade.
CONDUTORES E CAMPAÑAS DE CONCIENCIACIÓN
A provincia de Lugo conta con máis de 6.400 quilómetros de rede viaria de distinta titularidade. En canto ao censo de condutores -segundo os datos da Xefatura provincial de Tráfico- a decembro de 2016 había vixentes 215.843 permisos e 797 licenzas (as licenzas permiten conducir vehículos para persoas con mobilidade reducida ou vehículos especiais autopropulsados agrícolas, por poñer algúns exemplos).
No tocante ao parque de vehículos, na provincia están matriculados 267.090 vehículos convencionais. Deles, o 72,7% son turismos, o 15,5% furgonetas e camións, o 6% motocicletas e o 2,1% remolques.
A Comisión de Tráfico e Seguridade Vial deu conta tamén hoxe dos resultados das campañas de control e vixianza programadas pola Dirección Xeral de Tráfico (DGT) e desenvolvidas durante o ano pasado en Lugo. É o caso das campañas de control de velocidade, de vixianza en estradas convencionais, de control de alcohol e drogas, do uso do cinto e dos sistemas de retención infantil, ou das campañas de prevención de atropelos.
INTEGRANTES DA COMISIÓN
A Comisión provincial de Tráfico e Seguridade Vial é un órgano colexiado, de carácter consultivo, que se convoca co obxectivo de analizar os datos de sinistralidade na provincia ao longo dun período, así como para estudar posibles medidas a executar co ánimo de reducir o número de accidentes e de falecidos nas estradas. A Comisión está integrada por representantes de distintos organismos da Administración do Estado, a Xunta de Galicia, a Deputación Provincial e a Fegamp, con competencias en materia de seguridade vial, sexa como titulares das vías ou como responsables da vixianza e a xestión do tráfico.
Na xuntanza desta mañá participaron, ademais do subdelegado do Goberno, a xefa provincial de Tráfico, Paula Yubero; o xefe do Subsector de Tráfico da Garda Civil, José Miguel Martínez Suárez; o xefe da Unidade de Estradas do Estado na provincia, Héctor Presas; o xefe territorial de Presidencia da Xunta de Galicia, José Manuel Rozas; o enxeñeiro do Servizo de Vías e Obras da Deputación Provincial, Fernando Planas; e o xefe da Policía Local de Lugo, Manuel Méndez, entre outros.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
