Foz, 7 de abril de 2017. Acaban de finalizar as obras de mellora realizadas no alumeado do Paseo de Laredo e nos viarios do porto de Foz cun investimento total de 55.000 euros por parte da Xunta de Galicia.
O alcalde focense, Javier Jorge Castiñeira, salientou: “no día de hoxe toca agradecer a Portos de Galicia os últimos investimentos que fixo no noso concello e ademais que quedaran rematadas esas obras antes da Semana Santa”.
O rexedor municipal explicou que “as obras feitas no paseo de Laredo consistiron no cambio de báculos e luminarias en todas as farolas deste paseo, que é un punto turístico importante na Rapadoira moi frecuentado polos focenses e pola xente que nos visita. Foi un investimento de arredor de 13.000 euros en eficiencia enerxética, que permitiu cambiar tamén uns báculos que estaban xa moi gastados e darlle luz a todas as farolas do paseo porque funcionaban unha si e outra non. Agora esas lámpadas de baixo consumo permiten que todos os báculos teñan luz. Xa poden velo os veciños de Foz dende hai dous días que leva acendida”.
Javier Castiñeira engadiu que “se fixo un investimento tamén importante nos viarios do porto, concretamente nun dos accesos ao porto dende a rúa Concello de Barreiros, xusto nas explanadas do porto de Foz, concretamente a carón da piscina municipal, da aula de tráfico e tamén o acceso á nova piragüera que se está a construír nas instalacións portuarias. Foron 42.000 euros para asfaltado, moi importante porque é un viario moi transitado e non estaba en bo estado”.
O alcalde comentou tamén que “aínda que estas obras non son directas para a pesca ou para a náutica recreativa son moi importantes porque fomentan o comercio e o turismo e polo tanto eran obras moi demandadas no noso concello”.
Castiñeira insistiu “no agradecemento tanto polo investimento como pola previsión de facelo antes da Semana Santa. Moitas grazas a Portos de Galicia por seguir contando con Foz e por estes investimentos realizados nos últimos días no concello”.
Ademais o rexedor anunciou que “en próximas datas teremos tamén moi boas novas con referencia ao dragado da dársena, posto que agora os permisos están todos concedidos e pasamos xa á preparación da licitación e dos pregos”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
