26.05.2017. ABANCA vén de asinar un acordo de colaboración en materia financeira co Grupo de Acción Local do Sector Pesqueiro (GALP) A Mariña-Ortegal, no marco da súa estratexia de apoio ao sector pesqueiro en Galicia. O banco canalizará esta alianza a través de ABANCA Mar, a súa unidade de negocio especializada na cadea de valor do mar.
O director de zona de ABANCA na Mariña, Carlos Teijeiro Pita, e o presidente do GALP A Mariña-Ortegal, Basilio Otero Rodríguez, respectivamente, foron os encargados de rubricar o acordo financeiro, que reafirma o compromiso do banco co tecido produtivo de Galicia e, especificamente, con estes grupos que operan na franxa litoral da comunidade. O acto contou tamén coa asistencia do director de ABANCA Mar, Javier Fraga.
Esta alianza permite impulsar o desenvolvemento da pesca, marisqueo e acuicultura galegos y difundir entre estes colectivos as axudas europeas do Fondo Europeo Marítimo e da Pesca (FEMP), que xestiona a Xunta en colaboración con estes grupos sectoriais. ABANCA asinou nos últimos meses, co mesmo fin, acordos semellantes coa maioría dos GALP que operan na costa galega.
Oferta financeira adaptada
O protocolo asinado inclúe unha oferta financeira personalizada ao sector, orientada principalmente a facilitar o acceso ao crédito aos profesionais e beneficiarios das subvencións europeas. En circulante, oferta produtos como Credimar, un préstamo de ata cinco anos sen comisións; Anticipo Mar, para adiantar sen comisións o cobro de subvencións e impostos; ou Confir-Mar, para o financiamento de mareas, pagos de gasóleo, dereitos de pesca, etcétera. Para o financiamento de investimentos, ABANCA pon a disposición deste colectivo produtos vantaxosos como o Préstamo Campaña Mar ou o Leasing Pesqueiro. Do mesmo xeito, a entidade financeira deseñou para este segmento outros produtos a medida como a Hipoteca Naval ou os seguros de transportes de mercadorías, buques, acuícolas ou de bateas, entre outros.
O GALP A Mariña-Ortegal é unha asociación sen ánimo de lucro cunha zona de actuación que abrangue aos concellos de Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira e Valdoviño, na costa lucense e coruñesa.
Representa a medio cento de entidades locais, pertencentes aos sectores do mar (confrarías de pescadores, asociación de redeiras e asociacións e fundacións do sector do mar), do sector público (concellos), e entidades asociativas empresariais do territorio, entidades culturais, recreativas e sociais.
Esta alianza de ABANCA cos GALP súmase aos acordos que a entidade mantén con boa parte das confrarías de Galicia e as principais organizacións do sector no marco da súa estratexia de apoio ao sector primario. Precisamente a sinatura ten lugar en Expomar, unha das citas clave do calendario para o mundo do mar e que achega a un público especializado de profesionais da industria naval e a súa auxiliar, a industria transformadora de peixe e a súa auxiliar, a industria náutica e outras industrias anexas. A través de ABANCA Mar, o banco pon a disposición do sector un crecente catálogo de produtos, ademais da proximidade e experiencia dun equipo de profesionais altamente cualificados.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
O festival terá lugar os próximos 28, 29 30 de xuño e o 1 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore. A subdelegada destacou a máxima coordinación entre o Goberno, o Concello de Viveiro, a organización do evento e as forzas e corpos de Seguridade do Estado para garantir o bo desenvolvemento do ‘Resu’.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
O sábado 21 sesión vermú con Costa Dorada, que repetirán pola noite xunto á orquestra Waykas. O domingo sesión vermú con Tania Veiras e Los Cumbiapop que repetirán en sesión de tarde. Ese día haberá posto de polbo.
Aproveitando a visita dos monarcas a Burela deste martes, José Antonio Zan, presidente do comité de empresa, fíxolles chegar un comunicado que reflicte a difícil situación que sufre a factoría desde hai meses.
