O torneo reunirá 93 equipos masculinos e femininos de todas as categorías de base dese prebenxamín ata xuvenil
Lugo, 19 de xuño de 2024. O Pazo de San Marcos acolleu este mércores a presentación da XII edición do torneo de fútbol sala base “Heroes do Orzán”, que reunirá na Mariña equipos de base en memoria de Rodrigo Maseda Lozano, policía burelés que perdeu a vida ao intentar rescatar a un mozo na praia coruñesa do Orzán en 2012 xunto a outros dous compañeiros -José Antonio Villamor e Javier López-
O torneo, organizado pola Fundación Indecum coa apoio da Vicepresidencia da Deputación de Lugo. celebrarase do 20 ao 24 de xuño en pavillóns de Burela (Vista Alegre e Monte Castelo), San Cibrao (A Veiga), Xove, Viveiro e Foz (Marzán), unha sede compartida que estende pola comarca o seu impacto social e económico, ademais de reforzar a proxección do Burela FS como referente deportivo.
O Vicepresidente da Deputación Efrén Castro, estivo acompañado de Isabel Lozano, nai de Rodrigo Maseda Lozano; do presidente da Fundación Indecum, Marcelino Luna, do tenente alcalde de Burela Mario Pillado, do presidente do Burela FS José Luis Sáez e do Comisario Xefe Provincial de Lugo da Policía Nacional Luis Miguel Romera Pérez. Tamén asistiron Pablo Prieto, presidente da Federación Galega de Fútbol, así como representantes da Xunta de Galicia e da Cruz Vermella en Lugo e de Abanca.
O torneo contará con máis de 1000 participantes: xogadores, xogadoras e técnicos de 93 equipos de todas as categorías de base, desde biberón ata xuvenil, femininos, masculinos e mixtos, que xogarán un total de 181 partidos, Entre os participantes hai clubs de Galiza, pero tamén de Castela León, Madrid, Asturias, Cantabria e, por primeira vez, de Portugal.
Efrén Castro ratificou o apoio da Vicepresidencia da Deputación de Lugo á organización do torneo, que financia desde a primeira edición, en 2013. “No deporte falamos moitas veces de xestas heroicas para referirnos a logros deportivos, pero o exemplo destes tres rapaces é o que realmente fai honra a esa palabra”, destacou o vicepresidente sinalando que “nada máis fermoso que un torneo de base para mantelos na memoria sempre e que un xesto así se siga recordando”.
O presidente da Fundación Indecum Marcelino Luna destacou que “o torneo contará con representación masculina e feminina en todas as categorías”, subliñou “o impacto económico do Memorial na comarca, con máis de 600 persoas aloxadas en establecementos da comarca -de equipos de fóra da provincia – e agradeceu a colaboración dos concellos, que poñen os pavillóns a disposición do torneo.
A organización xestiona nestes días o aloxamento dos equipos de fóra da comarca que se hospedarán fundamentalmente en hoteis de Viveiro, Cervo, Foz, Burela e Barreiros. Á demanda xerada polos participantes súmase a de familiares e acompañantes, que multiplicarán o impacto económico do evento na hostalería da comarca.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
