Lugo, 30 de maio de 2017.- A voceira do Grupo Provincial do PP, Elena Candia, propuxo hoxe na Xunta Xeral da Sociedade Urbanística Provincial de Lugo S.A. (Suplusa) que os membros que forman parte da mesma se dirixan ao Consello de Administración e ao máximo responsable da sociedade para iniciar o cambio da Presidencia, tanto da Xunta Xeral como do Consello de Administración da entidade.
Así, Darío Campos perderá a presidencia de Suplusa, tras pedir o cambio máis da metade dos seus 25 membros, entre eles o seu vicepresidente na Deputación.
Os populares fan esta petición ante a situación de parálise que atravesa a Sociedade, polo que na reunión celebrada hoxe trasladaron a urxencia desta decisión, que finalmente saíu adiante.
Elena Candia lamenta que “ao longo destes meses” os socialistas non foran capaces de tomar decisións tan relevantes como inscribir no RUEPSS (Rexistro Único de Entidades Prestadoras de Servizos Sociais) a Suplusa, o paso previo para poder abrir as residencias de maiores da provincia nas que teñen comprometido 23 millóns de euros. “O presidente foi incluso máis alá e defendeu en sede xudicial que a institución provincial non ten competencias sobre estes centros”, recorda a voceira.
Unha actitude irresponsable
Os populares consideran que o presidente da Deputación actúa de xeito “absolutamente irresponsable” ao ter culpado á Xunta do retraso na apertura dos centros cando nos xulgados esgrime que a competencia para a prestación social dunha residencia da terceira idade é un servizo social especializado que en ningún caso é competencia provincial senón autonómica.
Así o recolle a demanda que interpuxeron os tres deputados do PSOE (Darío Campos, Pilar García e Lino Rodríguez) fronte á Sociedade Urbanística Suplusa co obxecto de impugnar o acordo do consello de administración sobre modificación dos estatutos sociais adoptado o 28 de xullo de 2016, e ao que previamente votaran a favor.
Nela explican que “en definitiva, a prestación social dunha residencia da terceira idade é un servizo social especializado, ou aínda interpretándoo de forma laxa, un servizo social comunitario específico, o certo é que a competencia, en ningún caso é provincial senón autonómica e, nalgún caso, municipal”.
Por todo o anterior, consideran os populares, Darío Campos está completamente deslexitimado para seguir levando as rendas desta Sociedade, polo que é necesario un cambio que permita que desenvolva as funcións que lle son propias.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
