Cervo, 4 de maio de 2017.- O Concello de Cervo presentou esta tarde na Casa da Cultura de San Ciprián, a súa nova páxina web.
Foi un acto ao que asistiron representantes de diferentes asociacións do Concello, e os membros da Corporación.
Tal e como explicou o alcalde de Cervo, Alfonso Villares “o que pretendemos é amosarlle aos nosos veciños unha plataforma que foi totalmente renovada e animalos a que naveguen e a que fagan uso dela, porque é un servizo pensado para eles, unha canle de comunicación directa e permanente cos veciños, aos que convidamos a que sexan partícipes e nos fagan chegar tamén as súas suxerencias, ideas e opinións”.
Ademais -engadiu o rexedor- “esta páxina pretende ser un escaparate de todo canto acontece no noso municipio, e para elo aproveitamos todas as posibilidades que nos ofrece a internet, especialmente a inmediatez, actualizando constantemente contidos e informacións relativas ao Concello e a todas as actividades culturais, de servizos sociais, deportivas, lúdicas…que se programen, co obxectivo de que os cervenses estean permanentemente informados”.
Pero tamén concibimos esta páxina como a carta de presentación do Concello, unha ventá aberta de Cervo ao mundo coa que poder chegar a calquera recuncho, e seducir ao visitante, para que se sinta atraído por todo o que podemos ofrecerlle, e nos veña visitar.
A páxina aséntase sobre catro piares fundamentais: a accesibilidade, a imaxe, o servizo á cidadanía e o turismo.
Deste xeito, a través do dominio www.concellodecervo.com, calquera persoa pode navegar de xeito sinxelo pola páxina, e, a través de diferentes atallos, acceder á sección que interese nese caso. Ademais é unha páxina con moito contido e información de todas as parroquias, monumentos, atractivos, información de servizo..pero que apoiamos moitísimo na imaxe, na fotografía, que ten un papel moi destacado.
É unha páxina baseada na transparencia, que pretende ser unha ferramenta útil para os cervenses, que poden acceder directamente a un enlace á sede electrónica, que os conduce ao taboleiro de anuncios, e poden descargar certa documentación e facer trámites dende as súas casas; ademais de realizar un seguemento diario de toda a actividade do Concello, que como xa se dixo, se actualizará a diario.
E un apartado importante é o destinado ao turismo, no que dun xeito intuitivo se lle ofrece ao visitante a información máis importante: onde durmir, onde comer, como chegar, que ver; con servizo de mapa GPS, e toda a información de relevancia.
A páxina pretende ser dinámica; e para elo creouse o apartado específico “un click”, que permite acceder cun só golpe de rato, aos apartados e seccións que consideramos máis importantes: como son a sede electrónica, as praias, as festas ou a galería fotográfica.
De feito, outra novidade desta páxina, e que os veciños poden acceder a unha galería de fotos completa, na que se publicarán todas a instantáneas por eventos, e que dende os seus fogares poderán descargar facilmente.
O concello de Cervo conta ademais con páxinas de facebook, twitter e canle Youtube, todos en conxunto conforman unha rede de comunicación completa, que se actualiza contantemente ao servizo dos cervenses.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
