Ribadeo, 24 de maio de 2017. O alcalde, Fernando Suárez, visitou hoxe co presidente de Portos de Galicia, José Juan Durán, a estrada que permanece cortada desde hai uns días tras rexistrarse un derrube de terra e pedras. Ese viario, situado no porto comercial de Ribadeo, aínda seguirá pechado ao tráfico ata que rematen as obras que alí se están a realizar.
O rexedor explicou que “esta visita de hoxe do presidente de Portos, que valoramos positivamente, foi para supervisar este desprendemento que caeu hai uns días e polo que temos esta parte baixa de Ribadeo, do casco vello, incomunicada”.
Fernando Suárez dixo que “entendemos, segundo os técnicos de Portos de Galicia, que teña que seguir así durante uns días máis, en tanto non se poña unha especie de valado de tripla torsión, uns valos metálicos. Ao mesmo tempo hai que eliminar unhas árbores que poden nun futuro inmediato ou non, non se sabe, pero por se acaso por unha cuestión precautoria hai que eliminalas”.
O alcalde subliñou: “a nosa comprensión é total nisto. A nosa colaboración é absoluta. Esperemos que canto antes se poida abrir á circulación e ao tráfico de vehículos todo este viario do paseo marítimo. Pero mentres tanto por unha cuestión de seguridade, sentíndoo moito, entendemos, comprendemos e asumimos tamén o que nos suxire Portos de Galicia”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
