Ribadeo, 5 de xuño de 2017. As bandeiras do Concello ondean a media asta nesta xornada na honra de Pili Real Cangas. A que fora primeira muller concelleira en Ribadeo nas eleccións de 1979 faleceu onte, 4 de xuño, na Coruña aos 76 anos e foi soterrada hoxe no cemiterio municipal de Ribadeo.
Desde a Concellaría de Igualdade de Ribadeo sinalan: “queremos darlle as nosas condolencias á familia e amizades de Pilar Real Cangas ante a nova do seu falecemento. Queremos lembrar a esta muller que foi a primeira concelleira da Corporación democrática de Ribadeo xurdida das primeiras eleccións municipais no ano 1979. O 27 de novembro de 1980 foi nomeada concelleira en substitución de José García Salgado, o seu compañeiro da Candidatura Progresista Independiente (CPI)”.
Mariluz Álvarez Lastra dixo que “esta muller accede a ese mundo masculinizado da política nuns tempos de enormes cambios e nos que a muller aínda era considerada como persoa non cualificada para acceder a determinados postos decisivos. Debemos polo tanto lembrar a súa figura polo que supuxo para o Concello de Ribadeo e en xeral para a loita pola igualdade real das mulleres”.
E engadiu que “aínda hoxe en día, pese a contar con mecanismos legais correctores para asegurar a presenza feminina en todos as institucións políticas, o número de mulleres presentes nas mesmas é inferior ao dos homes. Na administración local na maior parte dos plenos a porcentaxe feminina nin tan sequera alcanza o desexable 40% do total, cifra que nos colectivos en prol dunha maior participación da muller na política activa se considera relativamente próxima á igualdade, malia que non se acepte máis que como un mínimo a partir do cal seguir avanzando cara a plena equidade”.
Álvarez Lastra lembrou que “no Concello de Ribadeo na actualidade contamos con 9 mulleres, polo tanto a representación feminina nestes momentos se encontra equiparada á masculina”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).