A seguridade xurídica é un principio fundamental do dereito consistente na certeza do mesmo, tanto na súa publicidade coma na súa aplicación. A seguridade xurídica é garantida ao individuo polo Estado de xeito que a súa persoa, os seus bens e os seus dereitos non se verán atentados.
Así, dun xeito menos teórico, a seguridade xurídica sería unha cualidade do ordenamento que produce certeza e confianza no cidadán con respecto ao dereito aplicable en cada momento.
Ven traído dito concepto a propósito do que estamos a vivir estes días en relación co sector bancario español: a intervención e venda do Banco Popular e o recoñecemento por parte do Banco de España da perda de 60.600 millóns de euros das axudas ao rescate.
Algún día vostede dixo: tanto me ten; tamén o fixen eu. Bastante tiñamos con atender ao cotián, á familia, ao traballo, ás circunstancias da vida… Hoxe voltan vellas pantasmas.
A dicir verdade a honestidade e bo facer do sector bancario patrio sempre estiveron en entre-dito: próximo queda aquel marzo do ano 36 onde o banqueiro Juan March Odinas facilitaba diñeiro para a adquisición de armas no estranxeiro que logo serían utilizadas no golpe de estado.
Hoxe en día seguen presentes certos paralelismos: un país arruinado pola maior débeda da súa historia, dividido, coa maior taxa de desemprego xuvenil dos países desenrolados e onde os bancos controlan dende o Tribunal Constitucional ata os hospitais.
En xuño do ano 2012 o Goberno de Rajoy pediu axuda aos socios Europeos para rescatar a parte do sector financeiro español, infectado por activos tóxicos inmobiliarios e unha crecente morosidade. Así o Banco Central Europeo puxo en marcha unha liña de crédito ao noso favor.
Logo veu todo o demais: privatización das Caixas de Aforros, venda masiva de produtos financeiros complexos a público minorista, contabilidades trucadas, saídas a bolsa fraudulentas, hipotecas con cláusulas de chan e a venda do Popular polo simbólico prezo dun euro.
Agora, que segundo novas recentes da máxima autoridade bancaria: Banco de España, temos coñecemento da perda da meirande parte da axuda ao rescate, quero chamar a atención sobre o concepto inicial: a seguridade xurídica.
Sen confianza e seguridade con respecto ao ordenamento xurídico o estado de dereito non pode existir, para iso o único camiño posible é recuperar fórmulas de banca e negocio financeiro transparentes. O contrario, a antesala da guerra.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
