Mondoñedo, 2 de xuño de 2017.- Un coro conformado por cincocentos nenos e nenas homenaxeou esta tarde os poetas mindonienses no concerto No bico un cantar. A praza da Catedral de Mondoñedo foi o escenario desta actuación na que alumnos e alumnas dos conservatorios de música profesional de Galicia cantaron os versos de Cunqueiro, Noriega Varela, Díaz-Jácome, Leiras Pulpeiro e Iglesia Alvariño.
Nico Casal, Paz Valverde, Toldrá, Batallán e Baldomir foron os compositores que crearon as melodías sobre as que o alumnado cantou os poemas dos poetas elixidos nesta nova edición de No bico un cantar, que pechou, como vén sendo habitual, coa interpretación do “Maio longo”, de Rosalía de Castro, musicado por Xosé Baldomir. No concerto, o coro de nenos e de nenas estivo acompañado polo quinteto de metais Hércules Brass, e baixo a batuta do director Maximino Zumalave.
“Desde a Xunta de Galicia vimos acompañando cada ano esta iniciativa nacida no Consello da Cultura Galega, como unha oportunidade para que o alumnado das escolas de música incorpore aos seus repertorios estas partituras e favorecermos, así, a súa afección pola música culta galega e pola poesía dos nosos autores e autoras históricos”, afirmou o secretario xeral de Cultura, Anxo Lorenzo, durante a presentación do concerto.
Recoñecemento ao esforzo do alumnado e do profesorado
“Tanto desde o departamento de ensinanzas musicais como desde a Secretaría Xeral de Cultura da Consellería de Cultura e Educación queremos saudar e aplaudir o esforzo e a paixón que os rapaces e rapazas de toda Galicia están a poñer nos seus estudos e na práctica musical”, dixo, ao tempo que puxo en valor “o labor do profesorado nesta tarefa, tanto nos conservatorios de música como nas escolas municipais, nos proxectos formativos das orquestras galegas, e tamén desde a dirección das agrupacións corais”.
Durante os meses previos ao concerto, os rapaces e rapazas preparan co profesorado dos conservatorio o repertorio musical da xornada, o que lles ofrece a oportunidade de traballar as obras de grandes compositores de Galicia e de fóra, inspiradas nos versos de escritores galegos; nesta ocasión, todos eles vinculados a Mondoñedo.
Repertorio
Nesta quinta edición de ‘No bico un cantar’ interpretáronse seis pezas doutros tantos autores en versión para coro de nenos e sexteto de metais de Juan Durán para o Consello da Cultura Galega. Trátase dos poemas ‘No niño novo do vento’, de Álvaro Cunqueiro, e con música de Luis Emilio Batallán; ‘As froriñas dos toxos’, de Noriega Varlea, e musicado por Eduardo Toldrá; ‘O neno durmía’, de Xosé Díaz-Jácome, e música de Antonio Paz Valverde; ‘¡Non o sei!, de Manuel Leiras Pulpeiro e Nico Casal como compositor; e ‘Neniae’, de Aquilino Iglesia Alvariño e tamén musicado por Nico Casal.
Un acontecemento cultural
A Secretaría Xeral de Cultura vén promovendo, xunto co Consello da Cultura Galega, o programa ‘No bico un cantar’ co convencemento de que esta cita anual coa música e coa literatura é un acontecemento moi positivo para os nenos e nenas que a protagonizan, pero tamén para a vida cultural das localidades que a acollen.
As nenas e nenos que veñan do Conservatorio Profesional de Música da Coruña, do Xan Viaño de Ferrol, do Xoán Montes de Lugo, do Conservatorio Profesional de Ourense, do Manuel Quiroga de Pontevedra, do Conservatorio de Santiago de Compostela, do Profesional de Vigo, da Escola Municipal de Música de Viveiro, de Ribadeo, de Mondoñedo e de Vilalba, da Escolanía da Catedral de Santiago de Compostela e do Coro de nenos da Orquestra Sinfónica de Galicia “van coñecer Mondoñedo e van achegarse dunha maneira moi especial á cultura e aos tesouros desta vila”, concluíu.
Traxectoria do programa
‘No bico un cantar’ púxose en marcha por primeira vez no ano 2013, en homenaxe a Rosalía de Castro cando se cumprían os 150 anos do seu nacemento, e tivo lugar en Santiago de Compostela. Desde entón, as seguintes edicións estiveron dedicadas a Manuel Curros Enríquez (celebrada en Celanova), a Ramón Cabanillas (que tivo lugar en Cambados) e aos trobadores da lírica medieval galego-portuguesa (en Cangas).
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
