Mondoñedo, 7 de xuño de 2017. Ao portavoz do BNG, Eloi Cabanas, resúltalle “paradoxo” que o goberno promova o acondicionamento dun novo aparcadoiro no entorno da Igrexa Nova coa conseguinte compra de terreos a particulares con diñeiro público, xunto coa petición a outros organismos da cesión de terreos para dar acceso ao citado espazo, e non faga ningún esforzo para poñer en valor o aparcadoiro de detrás da Alcántara e que se encontra situado a escasos cinco minutos da Praza do Concello.
O voceiro nacionalista, lembrou que o Grupo Municipal do BNG xa leva solicitado dúas veces en pleno a posta en valor deste aparcadoiro dado que considera que está mal sinalizado ao mesmo tempo que presenta un deficiente estado de limpeza do entorno. “Os rogos foron aceptados pero de momento a situación segue igual, temos un aparcadoiro ben situado e totalmente operativo, onde non vai aparcar ninguén”.
-ESTADO DE ABANDONO DOS ESPAZOS PÚBLICOS DA CIDADE-
En relación a situación de estado de abandono que presentan os espazos públicos da cidade, para o BNG, “esta situación non pode ser un tema menor para o goberno deste concello”, a situación de abandono que presentan as vías, as prazas e os parques e xardíns, “demostra que a limpeza non é o forte do Goberno de Elena Candia nestes dous anos de goberno” xa que, “non é capaz de manter con medios propios nin alleos unha imaxe óptima da cidade”.
Eloi Cabanas entende que “de nada serve facer inversións importantes con diñeiro público cando estas melloras apenas se notan pola cantidade de maleza acumulada nas rúas e zonas verdes da cidade”.
-PLAN DE CHOQUE-
A punto de empezar a temporada estival, o BNG mindoniense pídelle ao Goberno Municipal que elabore de inmediato un Plan de Choque co obxectivo de evitar un maior deterioro dos espazos públicos e mellorar así a imaxe que presenta a cidade de Mondoñedo a veciños, visitantes e turistas.
“Sabemos que neste tempo medra moito a maleza pero ao paso que van non rematan ata as San Lucas”.
O Grupo Nacionalista conclúe demandándolle ao goberno popular unha maior axilidade na reposición do mobiliario dos parques infantís do Seminario e da Alameda dos Remedios, e que tape as arquetas e buratos que quedaron abertos despois da celebración das Quendas, xa que “son un perigo para os nenos e nenas que xogan na alameda”.
A libraría Bahía acolle este xoves, 5 de xuño ás 20:30h, a presentación de dous libros: 'O villa de Pitanxo' de José Manuel Solla Santos, unha homenaxe aos mariñeiros que faenan nas augas de Terranova e un berro por aclarar a verdade dese terrible naufraxio. E por outra banda, 'A maxia da terra' de Isabel Peleteiro Vazquez, unha ollada ás mulleres que saíron cara América, unha revisión en feminino da emigración de ultramar. Estarán presentes a autora e o autor dos libros.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
