Burela, 7 de xuño de 2017. O alcalde, Alfredo Llano, visitou xunto ao xerente do Consorcio Galego de Servizos de Igualdade e Benestar, Perfecto Rodríguez, as instalacións da nova escola infantil de Burela. En breve se dotará ao edificio de mobiliario. O Concello procederá a axardinar a zona e o Consorcio encargarase de colocar os xogos para @s nen@s. O obxectivo é que todo estea listo o 31 de xullo e que a gardería abra as súas portas en setembro.
O rexedor explicou que “tivemos a oportunidade e o pracer de recibir a visita do xerente do Consorcio da Igualdade e do Benestar e estivemos vendo todo o relativo á escola infantil que se vai abrir no mes de setembro. Estivemos inspeccionando e valorando todo o que se leva feito e o que queda por facer. Veu acompañado de técnicos do Consorcio e comigo foi unha técnica do Concello para contrastar opinións e buscar sempre a mellor solución para todo”.
Alfredo Llano contou que “ímonos encargar inmediatamente da limpeza, porque vaise facer a dotación do mobiliario para os dous pisos na segunda quincena deste mes. Desde o Concello tamén quedamos en facernos cargo de axardinar aquela zona, onde van estar os nenos. E dos aparellos de xogos ocuparase o Consorcio, que tamén os vai traer enseguida. Tamén se van encargar eles da parede que está enfronte da fachada principal, obra coa que se poñerán inmediatamente, calculamos que para a semana que vén. Ademais vanse facer cargo loxicamente da rampla adaptada para persoas con discapacidade. Nós xa demos os pasos necesarios para ter luz e alarma; agora vamos dalos para dotala de teléfono”.
O alcalde burelés engadiu: “e vamos ver se sincronizamos todos os movementos e as responsabilidades de cada un para que o 31 de xullo estea xa incluso inspeccionado e listo este local para abrir en setembro”.
Llano indicou que “esta nova escola infantil vai estar preparada para atender a 41 alumnos: hai oito prazas para os nenos e nenas de 0 a 1 anos, trece prazas para de 1 a 2 anos e vinte prazas para de 2 a 3 anos. Soamente quedan prazas agora mesmo para a etapa de 0 a 1 anos, concretamente catro, pero hai que ter en conta que para cada un dos tramos de idades hai que gardar unha praza polo menos ata setembro por se houbera algunha emerxencia social. Polo tanto practicamente está todo cuberto”.
O rexedor dixo: “calculamos que xa estea todo completamente preparado para que empece a funcionar cara ao día 12 de setembro aproximadamente, porque nas novas escolas infantís o curso non comeza o 1 de setembro, pois sempre hai uns días de adaptación previos”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
