Lugo, 23 de xuño de 2017.- O Grupo Provincial do PP acusa a Campos de repartir 6,6 millóns de euros “a porta pechada” evitando o pronunciamento do Pleno, o que supón “un claro paso atrás” na transparencia que debe rexer a acción do Goberno provincial. Os populares fan esta valoración tras saber que o equipo de Goberno aprobou hoxe o Plan Estratéxico de Subvencións (PES) para o período 2016-2019 “sen sometelo a debate nin á participación do Pleno”.
Desde o PP consideran “eticamente inaceptable e xuridicamente indefendible” que un Goberno en minoría teña o atrevemento de aprobar este plan pola porta de atrás para escapar do control do Pleno, unha ousadía coa que nin Besteiro se atreveu.
A voceira do PP, Elena Candia, lamenta este xesto “autoritario” do equipo de Goberno que nin Besteiro fixo nunca, pois o Plan Estratéxico de Subvencións sempre foi aprobado no Pleno. Precisa ademais, que foi a presión do PP a que obrigou a mover ficha ao presidente da Deputación, posto que o Grupo Provincial do PP rexistrou unha iniciativa para que o PES fora presentado e sometido á aprobación na vindeira sesión plenaria.
Desde o PP avanzan que analizarán o documento aprobado hoxe pola Xunta de Goberno da Deputación ao tempo que insisten na necesidade de que sexa aprobado pola Corporación. A aprobación do plan chega con seis meses de retraso e tres meses despois de que se teña aprobado o Orzamento da institución.
O PP, o motor que impulsa á Deputación
Desde o PP aseguran que, de novo, “o noso traballo e o noso labor de fiscalización vai permitir que se inxecten 6,6 millóns de euros na provincia, polo que defenderemos unha tramitación axeitada e uns criterios obxectivos para a aplicación do plan, unha vez que coñezamos o seu contido”, remarcan. “O PP tense convertido no motor que impulsa a un equipo de Goberno sen ideas e sen ganas de traballar pola provincia”, resumen.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
