Ribadeo, 23 de xuño de 2017. O grupo municipal do Partido Popular no Concello de Ribadeo critica a actuación do equipo de goberno para intentar evitar a polvareda que se forma no aparcamento municipal da avenida Rosalía de Castro. Para os populares, que xa denunciaran este problema no pasado mes de abril, a solución non é regar e consideran que é unha tomadura de pelo aos veciños.
O voceiro do PP no Concello ribadense, Jesús López Penabad, explicou: “desde o Partido Popular xa denunciamos hai tempo a situación na que se atopa o aparcamento municipal da rúa Rosalía de Castro. Pero estes días pasados os veciños da zona tomaron cartas no asunto e foron ao Concello a expoñer unha realidade que se fixo quizais máis patente pola meteoroloxía que estamos tendo”.
O portavoz dos populares explicou que “si era moi necesaria unha actuación nese aparcamento, pero ao arranxar o firme desta maneira fixeron un problema moito máis grave co tipo de area que alí botaron”.
Jesús López Penabad critica que “a única resposta do goberno municipal para solucionar este problema é regar. Non sei se o señor Vicente Castro fixo un máster para solucionar estes temas, pero parécenos que se está rindo da xente. Só fai falla pasar pola avenida Rosalía de Castro e ver como está esa rúa: os edificios, os coches, os comercios, etcétcera. Cando fai un pouco de vento é insoportable. A solución do señor Vicente Castro é regar, pero, como comprenderá, estamos en pleno mes de xuño, os días son longos, e como se regue a primeira hora da mañá á hora e media iso vai estar seco e vai persistir o problema. Iso non é unha solución. Parécenos case unha tomadura de pelo. Teñen que tomar cartas no asunto en serio”.
O voceiro do PP engadiu: “sabemos que o aparcamento o xestiona o Concello pero a propiedade non é municipal, pero no convenio que haxa non creo que supoña ningún problema botar unha capa de asfalto, non dicimos aglomerado, que ademais de ser caro sería problemático á hora de sacalo, pero un rego asfáltico sinxelo, que tape esa polvareda que se forma alí, parécenos a única solución que pode ter este problema”.
Para López Penabad “que nos digan que van regar é como quen vai apagar un incendio cun vaso de auga. É un problema que crearon eles por unha mala decisión para reparar algo que era necesario arranxar, pero creo que están a tempo. Vai vir a tempada alta de verán, esperemos que sigamos tendo bo tempo, pero cando se levante un pouco de vento aquilo será insostible”.
O voceiro dos populares pídelle ao goberno municipal que “actúe e non se ría da xente, porque é o que nos parece que están facendo. Estamos na idea que teñen todos os veciños. Hai 90 firmas pero son moitos máis os afectados. É un problema que existe e hai que poñerlle solución”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.