Burela, 1 de xullo de 2017. Burela conta cunha nova cadeira anfibia para facilitar o baño nos seus areais ás persoas con mobilidade reducida. O concelleiro de Turismo, Ramiro Fernández Rey, asegura que se trata dun servizo moi demandado, de feito xa está solicitada por parte dunha persoa que fará uso dela o vindeiro 5 de xullo.
O edil socialista relatou que “xa temos aquí a nova cadeira anfibia, coa que axudaremos a que persoas con mobilidade reducida poidan bañarse nas nosas praias. Substitúe á vella que tiñamos e que xa non serve para traballar. E deste xeito queremos seguir a complementar os servizos que desde o Concello se prestan nos areais bureleses. Xa introducimos melloras nos cambiadores, tal e como anunciabamos hai uns días, e na xestión de residuos e limpeza das praias e agora tentamos adquirir novo material para o servizo de socorrismo e salvamento”.
Ramiro Fernández Rey subliña que “a cadeira anfibia estaba a ser moi demandada, de aí que afrontásemos a súa adquisición. De feito o día 5 de xullo xa vai ser empregada por unha persoa que acaba de solicitar”.
O concelleiro de Turismo agarda que “os socorristas estean xa contratados e traballando nas praias de Burela a vindeira semana. Con todo o retraso que houbo cos plans de Cooperación da Xunta estes días estamos a ultimar os procesos de selección deste persoal. Estarán dous meses con nós. Supoñendo que empecen a traballar o 5 ou o 6 de xullo quedaranse ata o 5 ou o 6 de setembro”.
Fernández Rey lembrou que “serán 8 os socorristas cos que contemos en Burela, 7 a través dos plans de Cooperación, e un con fondos propios. Desde o Concello estamos a facer un grande esforzo económico para prestar os mellores servizos aos nosos veciños e veciñas e a aquelas persoas que nos visiten durante o verán”.
Ramiro Fernández Rey e o alcalde, Alfredo Llano, foron os encargados de presentar a nova cadeira anfibia nas últimas horas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
