Burela, 17 de xullo de 2017. O BNG formulará unha serie de preguntas ao Delegado de Cultura para a súa contestación en pleno para que dea conta da situación da Escola de Música. Segundo adiantou o portavoz municipal do BNG, Mario Pillado, “o Sr. Díaz ten que aclarar por que a Escola de Música Municipal permanece pechada os meses de xullo e agosto cando o profesorado está contratado durante todo o ano, chegando incluso a demorarse o inicio do curso ata finais de outubro”. Desde a formación nacionalista entenden que o persoal que imparte docencia no centro ten dereito a un mes de vacacións, igual que o resto do persoal laboral do Concello, polo que non se explica o motivo de teren máis de dous meses de parón da actividade. “Non nos vale que se faga un curso do 3 ao 7 de xullo e listo, nós queremos unha escola dinámica, que sexa unha alternativa de formación e lecer para os nenos e nenas do noso concello durante o verán ao tempo que funcione como axente dinamizador da oferta cultural en Burela” engadiu Pillado.
A formación nacionalista responsabiliza a José Díaz da pésima xestión da Escola Municipal de Música.
Desde a formación nacionalista critican a pémisa xestión da Escola de Música por parte do Goberno Municipal do PSOE. No pleno ordinario celebrado en abril, o Grupo Municipal do BNG xa se interesou por esta cuestión, ante as queixas recibidas por parte de varios usuarios da escola pola desorganización horaria do centro. Tras as explicacións dadas polo Sr. Díaz, o portavoz nacionalista explicou que “aínda nos quedaron máis dúbidas das que tiñamos inicialmente, porque é difícil de entender que o horario do director da escola sexa de 18 horas semanais, repartidas os mércores e venres de 10:00 a 19:00 horas. Un horario cando menos chamativo” indicou Pillado. A estas queixas que veñen sendo reiteradas nos últimos anos, temos que engadir o habitual retraso no comezo do curso escolar, que este ano se demorou até o 31 de outubro, sen que chegase a efectuarse a devolución dese mes ao alumnado matriculado.
Burela continúa sen Banda de Música dous anos depois da súa desaparición.
Os nacionalista tamén se mostraron moi críticos co papel desenvolvido polo PSOE en relación á Banda Municipal de Música, pois a praza que quedara vancante na dirección da Banda Municipal tras a renuncia do antigo director foi amortizada, mentres se continúa contratando profesorado novo todos os anos. “Levamos dous anos sen as tradicionais actuacións da banda e por segundo ano consecutivo a Banda de Música tampouco participou nas festas de Burela. Despois dos 4 “anos escuros” do goberno do PP, agora temos que padecer o “bienio negro” do PSOE. O Sr. Díaz e o Sr. Llano teñen o triste mérito de teren asinado a acta de defunción da Banda Municipal de Música, deixando un importante baleiro cultural na nosa vila, pois aínda que lles pareza mentira, non só de tributos vive a cultura de Burela”, concluíu Pillado.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
