Barreiros, 3 de xullo de 2017. O Bloque Nacionalista Galego aproveitou a visita da Directora Xeral de Turismo, Nava Castro, a Barreiros para trasladarlle persoalmente a súa preocupación pola situación vivida na pasada fin de semana e a mala imaxe que se está a proxectar de Barreiros.
“Pensamos que a situación é o suficientemente grave como para que unha das máximas responsables de turismo na Xunta tivese coñecemnto directo da cuestión. Polo que en canto soubemos da súa visita, decidimos achegarnos a Vilamartín para falar directamente con ela”, sinalan.
A Portavoz municipal, Ana Ermida, explicoulle a situación xerada pola “falta de previsión e coordinación e aseguroulle que os feitos ocurridos están a proxectar unha imaxe nefasta para o sector turístico local e, por extensión, galego.”
A Directora Xeral amosouse receptiva e asegurou que para ela e para o propio Presidente da Xunta a imaxe que se proxecta é fundamental, por ser unha porta de entrada a Galiza, explican desde o BNG.
“Máis aló das discrepancias que podemos ter co Partido Popular no modelo turístico que queremos para o noso concello, preocúpanos inmensamente a xestión que se está a facer e como se está a perder a referencialidade neste sector pola irresponsabilidade do goberno municipal”, argumentou Ana Ermida.
“Agardamos que a Directora Xeral faga todo o que estea na súa man para tratar de solucionar esta situación e que o Partido Popular se responsabilice das actuacións que a súa formación está a realizar en Barreiros”, sinala Ana Ermida.
Convocan unha asemblea veciñal para valorar a situación e propor actuacións.
Desde o BNG lanzaron hoxe a convocatoria dunha asemblea veciñal, baixo o lema SOS Barreiros, na que convidan a asistir a asociacións, profesionais do turismo e veciñanza en xeral para coñecer a información de primeira man, explicar a situación municipal e recoller as inquedanzas que queiran trasladarlles.
“Estamos xusto na metade do mandato, van dous anos e quedan outros dous, e cremos que a situación desta fin de semana non é máis ca punta do iceberg que amosa que estamos nunha verdadeira situación de emerxencia”, explican.
“ Coas parroquias desatendidas, cos problemas que había hai dous anos igual ou peor, sen que o goberno municipal dea sinais da máis mínima preocupación, cremos que é o momento de lanzar unha sinal de socorro. Queremos que a asemblea do mércores sexa un SOS para poñer a Barreiros noutra dirección e que a xente poida trasladarnos os problemas e inquedanzas que existen”, manifesta Ana Ermida.
Para iso, convocan unha asemblea veciñal aberta no Centro Sociocultural de San Cosme o vindeiro mércores, 5 de xullo, ás 20:30 horas.
Solicitude dun pleno extraordinario.
Como xa anunciaban no día de onte, o grupo municipal do BNG rexistrou formalmente a solicitude dun pleno extraordinario e urxente para tratar, fundamentalmente a situación dos servizos vinculados ás praias e ao turismo.
O pleno, que terá que ser convocado nun máximo de 15 días, terá a orde do día proposta polo BNG, tratando sobre “os servizos de socorrismo, desbroces, limpeza de praias, depuración e saneamento e o modelo de xestión que se está a implantar polo goberno municipal do PP, con cada vez máis servizosprivatizados e en peores condicións”, explica Ana Ermida.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
