Ribadeo, 3 de xullo de 2017. A Concellaría de Cultura fixo un balance positivo da IV edición da Feira do Libro, que rematou onte. O edil Farruco Graña dixo que a feira foi un éxito e que as vendas acadaron os 10.000 euros.
O concelleiro de Cultura dixo que “a cuarta edición da Feira do Libro de Ribadeo acadou este ano unha cifra de vendas moi próxima aos 10.000 euros. Tras valorar coas diferentes librarías participantes a evolución das tres xornadas da feira, podemos tomar como referencia a cifra redonda de 10.000 euros, habendo librarías que superaron as vendas do ano anterior e outras que se mantiveron con respecto ao ano pasado. No caso de dúas non poden comparar coa edición anterior pois participaron este ano por primeira vez”.
Farruco Graña declarou que “centramos os esforzos en promover o libro local e comarcal dando protagonismo a textos como Aldeas sen voz de Vicente Ansola, Gorka Rete de Montse Fernández, As Covas do Rei Cintolo de Daniel Cortezón reeditado por Edicións Lar de Viveiro, ou autores como Santi Jaureguizar co seu Placebo. Tamén houbo promoción de textos como 22 segundos de Eva Mejuto, O anxo negro de Manuel Gago ou Mulleres bravas da nosa historia”.
O edil nacionalista subliñou: “destacamos especialmente as actividades realizadas en paralelo á propia feira do libro, que son a base fundamental para dinamizar este tipo de actos, e atraer a atención do público e levalo ata o parque de San Francisco. Tanto Lois Pérez como Anxo Moure, as actividades para os pícaros e pícaras, o grupo de danza da Escola Municipal de Música e Danza de Ribadeo, ou o grupo Ollomao de teatro do veciño concello de Barreiros, deron unha cor especial á cuarta Feira do Libro de Ribadeo”.
Farruco Graña quixo “agradecer a todos a súa participación na mesma, pero sobre todo agradecemos a todas as persoas amantes dos libros e da cultura que se achegaron ata a Feira do Libro de Ribadeo”.
O concelleiro de cultura fixo un balance positivo da IV feira do libro de Ribadeo, que rematou onte e na que se realizaron vendas que acadaron os 10.000 euros
Relacionado
-
Viveiro e Ribadeo reciben máis de medio millón de euros para mellorar as súas prazas de abastos
-
Cervo avanza na recuperación da Atalaia tras novos acordos coa Autoridade Portuaria
-
O alcalde de Trabada mantén diferentes encontros institucionais en Bruxelas para abordar proxectos e necesidades do municipio
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
