As monitoras do centro Gaia pertencentes á Delegación de Medio Ambiente levaron na mañá do pasado venres unha actividade titulada O mar afógase na zona do Perdouro. Dividiuse en dúas partes prácticas, “por unha banda, unha de investigación e observación que consistiu no estudo das propiedades da auga en canto a temperatura, turbidez, salinidade, ph… tomando mostras da auga do mar e anotando nunha ficha os datos obtidos en canto a cor, temperatura, materia orgánica, etc. E a segunda parte tivo que ver coa limpeza da mesma zona analizando a procedencia do lixo (accidentes de navegación, verteduras industriais, verteduras sólidas, limpeza de barcos, etc)”, segundo explican as monitoras de Gaia.
Noelia M.ª Ben, a concelleira de Medio Ambiente subliña que “con esta actividade preténdese fomentar nos participantes unha conciencia ambiental respectuosa co medio natural”.
“O mar afógase” en Burela
Relacionado
-
Quedou estabilizado ás 23.48 horas deste luns o incendio do concello de Xermade, parroquia de Roupar, que segundo as últimas estimacións afecta unha superficie de 35 hectáreas
-
Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
-
A Presidenta da Deputación, Carmela López, asistiu en Burela ao partido do Mundial entre España e Cabo Verde na fan zone impulsada pola institución provincial, unha xornada que reuniu milleiros de persoas con concertos, arte e competicións deportivas, e que incluíu a retransmisión do encontro nunha pantalla xigante na Praza da Mariña
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
