Lugo, 23 de agosto de 2017. A Deputada de Cultura, Pilar García Porto, presentou este luns no Museo Provincial de Lugo o libro de actas do VIII Congreso Galego de Cruceiros que tivo lugar o pasado mes de novembro no Museo Fortaleza de San Paio de Narla, organizado pola Asociación de Amigos dos Cruceiros, Cruces de Pedra e Petos de Ánimas.
Fíxoo acompañada polo Presidente da Asociación, Fernando Arribas Arias, coa que colabora o organismo provincial cunha achega económica de 3.000 euros para a celebración destas xornadas nas que participaron máis de 30 expertos de toda a xeografía galega e tamén chegados de Portugal, así como a publicación do libro.
García Porto subliñou que “durante os dous días que durou o Congreso, os relatores expuxeron os seus estudos e investigacións sobre estes monumentos declarados Ben de Interese Cultural (BIC), e hoxe presentamos o froito dese traballo a través deste libro que recolle as actas da oitava edición do encontro”.
A Deputada de Cultura engadiu que “a labor de inventariado e catalogación de cruceiros, cruces de pedra e petos de ánimas é fundamental para conservar unha parte do noso patrimonio cultural e artístico, por iso apoiamos tanto a celebración do Congreso como a publicación deste documento”.
O libro de actas do VIII Congreso Galego de Cruceiros estará dispoñible en librarías de toda Galicia a un prezo de 5 euros para os socios da Asociación de Amigos dos Cruceiros, Cruces de Pedra e Petos de Ánimas, e 10 euros para o público en xeral.
As edicións anteriores do Congreso Galego de Cruceiros celebráronse en Poio, Ponteareas, Santiago de Compostela, O Porriño, Monforte de Lemos e Ourense. Xustifícase a creación da asociación e o estudo dos cruceiros polos singulares valores materiais e inmateriais destes monumentos da arte popular galega, que adoitan estar ligados, dende a Idade Media, aos vellos camiños de peregrinación. Na actualidade, Galicia conta con máis de 8.000 cruceiros, considerados Bens de Interese Cultural (BIC).
Relatorios incluídos no libro
1.- Cruceiros, Cruces, Viacrucis e Petos de Ánimas da Ribeira Sacra Lucense: Concello de Chantada, por Fernando Arribas Arias.
2.- Cruceiros, Cristos, Cruces de Pedra, e Esmoleiros do Concello de Guntín de Pallares (Lugo), por José Manuel Blanco Pardo e Manuel Muñiz Besteiro.
3.- Cruceiros e Cruces de Pontedeume, por Juan J. Burgoa.
4.- Devociones en granito: los cruceiros medievales en la provincia de A Coruña, por Sara Carreño López.
5.- Un traballo de arquitectura popular. Os petos porticados, por Ángel Cerrato Álvarez.
6.- Probas e consideracións sobre o escultor Ignacio Cerviño, por Anxo Coya.
7.- Os cruceiros como tema da poesía publicada na prensa nos séculos pasados, por Cecilia Doporto.
8.- Cruces, Cruceiros e Petos do Concello de Arbo (II): parroquias de Cabeiras, Cequeliños, Mourentán e Sela, por Estanislao Fernández de la Cigoña Núñez.
9.- Cruces, Cruceiros e Petos do Concello da Guarda (II): Parroquia da Sunción da Guarda, por Victoria Fernández de la Cigoña Núñez.
10.- Os Viacrucis da cidade de Santiago de Compostela, por Clodio González Pérez.
11.- Viacrucis e Piedades do Ribeiro, por Xesús Antonio Guliás Lamas.
12.- O Viacrucis de Santo André de Xeve (Pontevedra): entre a devoción e a ruína, POR Xoán Ibáñez Rodríguez.
13.- Un cruceiro galego na cidade do Porto, por Lois Ladra.
14.- Morren os petos, xorden os esmoleiros. O caso dos Esmoleiros da virxe de fátima en Ponteareas (Pontevedra), por Mónica Leirós Bargiela e Purificación Porto Sebastián.
15.- Cruces, Cruceiros e Petos da Parroquia de Santa María de Tomiño (Tomiño-Pontevedra), por Félix Loira Pérez e Estanislao Fernández de la Cigoña Núñez.
16.- Devociones en Granito: Los Cruceiros medievales en la provincia de A Coruña, por Alberta Lorenzo Aspres.
17.- Alejandro Cabanelas e o Cruceiro coruñés da Praza do Marqués de San Martín, por Francisco X. Louzao Martínez.
18.- Cruces y Crucero de Santa María de Lordelo (Monçao, Portugal), por María Prieto Vergara.
19- Cruceiros, Cruces e Viacrucis do Concello de Burela, por Mario Saavedra Pérez.
20.- Cruceiros, Cristos, Cruces e Petos de Ánimas do Concello de Foz (Lugo), por Mario Saavedra Pérez.
21.- Cruceiro e Peto de Ánimas de San Francisco das Cortellas (Padróns-Ponteareas), devocións ao pé da Capela e Romaría de San Francisco, por Andrés Sampedro Fernández.
22.- Terra de Nemancos. Cruceiros nunha paisaxe desagrarizada, por Manuel Vilar Álvarez.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
