Ribadeo, 9 de outubro de 2017. A Escola Municipal de Música e Danza de Ribadeo (EMMeD) ven de iniciar o curso 2017/2018 con 360 alumnos e alumnas matriculados de entre 4 e 70 anos. A matrícula no centro segue medrando ano tras ano e a Escola Municipal de Música e Danza de Ribadeo convértese deste xeito na que conta con maior número de persoas matriculadas na comarca da Mariña e do occidente asturiano. Nos dous últimos cursos o crecemento da matrícula superou as 40 persoas inscritas.
O responsable da EMMdD, Hugo García Presno, explicou que “o claustro docente estará formado por 13 profesores e profesoras, un por cada unha das disciplinas que imparte o centro, o que garante que o alumnado disporá dunha atención especializada en cada un dos instrumentos ou das materias que imparte a Escola”.
Hugo García salienta que “entre as novidades que presenta o centro neste novo curso está a consolidación das materias relacionadas coa música tradicional, incorporadas recentemente e cunha moi boa acollida por parte do alumnado. O centro comeza o curso con vontade de estar moi presente na vida comunitaria e asociativa de Ribadeo como demostra que fose o espazo escollido recentemente para a presentación do libro Elas, de Aurora Marco. Queremos levar a cabo a nosa programación de concertos tradicional como os de Santa Cecilia, Nadal, Entroido, concertos didácticos, de fin de curso, etc… Pero tamén temos intención de abrir novos espazos nos que actuar que permitan achegar o traballo feito na Escola a novos públicos, e nos que axuden a ligar a música e a danza con aspectos transversais como son a literatura, a historia, a igualdade ou a solidariedade”.
O responsable da Escola Municipal de Música e Danza de Ribadeo amosou a súa satisfacción “porque o número de persoas matriculadas non deixa de medrar o que demostra que o traballo que facemos dende a Escola se está percibindo como positivo por parte do alumnado que repite e tamén polo conxunto da cidadanía, o que fai que novos alumnos e alumnas se animen a formar parte do centro”.
García Presno subliñou que “tanto o proxecto educativo da Escola, unha combinación de ensino teórico con moitas actividades prácticas, coma o plantel docente son as claves para entender o crecemento constante da Escola desde o mesmo momento da súa fundación da man de Hernán Naval”.
Hugo García quixo mostrar o apoio tanto do claustro da Escola como do Concello de Ribadeo, e dixo: “é clave o apoio institucional sobre todo en momentos de incertidume económica, para poder tirar adiante o proxecto do centro e a súa actividade, e tamén é moi importante contar cun corpo de profesores e profesoras que crean no proxecto e que teñan vontade de tiralo para adiante”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
