Burela 1-10-17. Vista Alegre volveu ser o talismán para os burelistas, aínda que fora en Córdoba. O Pescados Rubén Burela FS agarra con máis forza ca nunca os seus tres primeiros puntos a domicilio, con 1-8 ante Itea Córdoba CFV Futsal, na terceira xornada de Segunda LNFS, encadenando a segunda vitoria de liga. Os pupilos de Juanma Marrube traballaron con humildade e insistencia para apropiarse dun marcador que xa dominaban ao descanso con 0-3, con moitísimo equilibrio no xogo durante a primeira parte.
A igualdade foi a tónica predominante no primeiro tramo de partido, con moita esixencia do Itea ao Pescados Rubén, que pelexou para non concederlle nada ao rival. Pope, tras culminar unha rápida contra visitante, fixo o 0-1, no minuto 12, cando os locais xa contaban co lastre das cinco faltas. Este primeiro tanto foi a clave para pedir máis e Renato e Pope, novamente, ampliaron diferenzas nun fatídico minuto 17, para tranquilidade dos laranxas e facendo dano aos locais.
Regresou a terceira xornada á pista, con xogo bronco. O tanto de Cristóbal, no minuto 23, fixo pensar aos cordobeses na remontada, pero os galegos conseguiron romper o partido entre o 24 e o 25, ampliando ata o 1-5, de Víctor e Matamoros. A falta de máis de once minutos, o Itea apostou por porteiro xogador, coa mesma reacción dos laranxas, que completaron a renda ata o definitivo 1-8, con Chus, Hélder e Luisma.
Ficha técnica
Itea Córdoba CF Futsal: Cristian, Catiti, Jesús Rodríguez, Cristóbal e David Leal (cinco inicial). Tamén xogaron Pakito, Manu Leal, Koseki, Cordero, Thiago e Ismael.
Pescados Rubén Burela FS: Álex, Hélder, Luisma, Chus e Renato (cinco inicial). Tamén xogaron Víctor, Colacha, Matamoros, Cora e Pope.
Árbitros: Botella López e Castilla López (C. Murcia). Mostraron cartulina amarela ao local Jesús Rodríguez (2), así como aos visitantes Chus, Renato e Pope (2).
Goles: 0-1 Pope (12’) 0-2 Renato (17’) 0-3 Pope (17’) 1-3 Cristóbal (23’) 1-4 Víctor (24’) 1-5 Matamoros (25’) 1-6 Chus (33’) 1-7 Hélder (34’) 1-8 Luisma (39’)
Incidencias: Encontro correspondente á 3ª xornada Segunda División disputado no Palacio Municipal de Deportes ‘Vista Alegre’ ante 1.500 espectadores.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
