Lugo, 20 de outubro de 2017. O Presidente, Darío Campos Conde, informou sobre a aprobación na Xunta de Goberno deste venres dun investimento de 2,1 millóns de euros por parte da Deputación para a construción da Granxa Experimental do Campus Terra; dun paseo peonil e viario á zona comercial de Vilar, en Ribadeo; para novas melloras na estrada de Santo Tomé por Adriano e Augaxosa ao Mazo ao seu paso polo municipio de Riotorto e nun treito do cinturón comarcal, que discorre polos Concellos de Pol e Castro de Rei. O Executivo Provincial acordou estas actuacións nunha sesión na que ademais aprobou achegar outros 75.000 euros a bolsas para deportistas lucenses.
1,3 millóns para a Granxa Experimental do Campus Terra: Campos Conde deu conta da aprobación hoxe do convenio de colaboración entre a Deputación e a USC para a construción da Granxa Experimental do Campus Terras nas instalacións da Granxa Gayoso Castro. O Goberno achega a este proxecto 670.000 euros, partida que xa está incluída no orzamento deste ano, e outros 634.000 euros do presuposto de 2018, investindo 1,3 millóns. A USC destina outros 700.000 euros. O Goberno da Deputación iniciará a contratación deste proxecto, dotado duns 2 millóns, nas vindeiras semanas.
É unha iniciativa totalmente pioneira na provincia, pois implica a dotación dunhas instalacións públicas ao servizo do Campus Terra, especialmente da Escola Politécnica Superior e da Facultade de Veterinaria, para o desenvolvemento de actividades docentes e proxectos de investigación no sistema de produción leiteira, que revertan na mellora da competitividade das explotacións lácteas.
A Granxa Experimental do Campus Terra terá como obxectivo avanzar na redución dos custos de produción do leite, así como na automatización e na incorporación das novas tecnoloxías a este proceso, combatendo, deste xeito, uns dos principais problemas que sofre o sector lácteo: os baixos prezos do leite, así como a falta de man de obra e calidade de vida dos seus profesionais.
Situarase nun nova nave, que se vai a construír, nunha finca de 15.500 metros cadrados da Granxa Gayoso Castro, que actualmente está sen uso e a carón de máis terreos para as cabezas de gando. Terá capacidade para 70 vacas produtoras de vacún de leite, contará cun robot de muxido, cun centro de recepción de visitas onde se incluirá unha aula de actividades docentes, de formación e de divulgación, así como un laboratorio para actividades investigadoras. Tamén se habilitará unha nave que acolla a alimentación do gando, silos con capacidades para almacenar as necesidades da explotación ou un espazo totalmente pechado no que se gardará a maquinaria.
Estará en funcionamento no 2018, pois é cando terá lugar a visita a Lugo da Comisión da European Association of Establishments for Veterinary Education (EAEVE) para renovar a acreditación internacional coa que actualmente conta a Facultade de Veterinaria.
380.000 euros para a construción dun paseo peonil e viario á zona comercial de Vilar, en Ribadeo: O Presidente deu conta do investimento de 380.000 euros que destina a Deputación á urbanización e humanización da avenida ría de Ribadeo. O Concello achegará outros 131.600 euros. Este proxecto, de máis de 500.000 euros, inclúe a dotación dun paseo peonil dende o centro urbano (Avenida das Américas) á Avenida Ría de Ribadeo (zona comercial de Vilar); así como a mellora do acceso viario no treito da antiga N-634 que agora é de titularidade municipal. Para a humanización da zona, habilitaranse beirarrúas, aparcamentos e zonas verdes. Tamén se substituirán as torres de media tensión para soterralas e completarase a rede de abastecemento de auga e sumidoiros.
155.000 euros para mellorar a estrada de Santo Tomé por Adriano e Augaxosa ao Mazo ao seu paso polo municipio de Riotorto: Campos Conde informou sobre o inicio do proceso de contratación con 155.500 euros de novas melloras nesta vía, tras arranxar con outros 260.000 euros o treito que discorre polo Concello de Lourenzá. As novas obras levaranse a cabo en 2 quilómetros e consiste na mellora do firme con aglomerado en quente e no incremento das medidas de seguridade.
250.000 euros para mellorar un treito de 5 quilómetros no cinturón comarcal, que discorre por Pol e Castro e Rei: O Presidente avanzou a contratación destas obras na LU-P-1611 que enlaza coa N-640. As actuacións, que se levarán a cabo dende o punto quilométrico 99 ao 104, inclúen o aglomerado en quente e o incremento da seguridade.
Bolsas para deportistas individuais
O Executivo tamén aprobou na Xunta de Goberno de hoxe unha nova convocatoria de axudas para deportistas individuais da provincia por valor de 75.000 euros. Nas vindeiras semanas, publicarase no BOP, abrindo o prazo de solicitude. Son axudas de concorrencia competitiva de entre 300 a 1.500 euros. Inclúe unha liña específica para persoas con capacidades diferentes. Para a súa concesión, premiarase o esforzo competitivo, valorarase positivamente os resultados acadados.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
