Lugo, 27 de outubro de 2017. O Presidente da Deputación, Darío Campos Conde, inaugurou este venres o novo hangar de piraguas do Club Kayak de Foz, que o organismo provincial financiou en solitario con 100.000 euros e que dende comezos de mes xa funciona a pleno rendemento. Fíxoo acompañado polo Deputado de Deportes, Pablo Rivera Capón, e a Deputada de Economía, Mayra García Bermúdez. No acto tamén participaron o Presidente do Club Kayak de Foz, Nacho Romillo, e o Presidente da Federación Galega de Piragüismo, Alfredo Bea García.
Campos Conde lembrou que “fai un ano mostramos o noso firme compromiso para facer posible a construción deste novo hangar de piraguas, nunha clara aposta polo deporte como motor de dinamización social e económico da provincia. E hoxe estamos aquí, de novo, para ratificar este compromiso. Pois o hangar é xa unha realidade, grazas a achega de 100.000 euros do Goberno que financiou en solitario o proxecto”.
O Presidente da Deputación subliñou que “con esta nova instalación, respondemos a unha vella demanda do Club Kayak de Foz, habilitando un novo espazo con capacidade para máis de 100 embarcacións, e poñendo fin as deficiencias coas que contaba o club, que impedían a mellora do seu rendemento competitivo”.
O novo edificio, que se construíu anexo ás antigas instalacións, ten unha superficie de 480 metros, con capacidade para 116 embarcacións de tipo K-1, permitindo o pleno desenvolvemento das labores de formación e promoción do piragüismo na Mariña, e cubrindo a demanda de espazo existente debido ao elevado número de usuarios desta modalidade deportiva.
“Como mariñán, coñezo perfectamente a importancia e dilatada tradición coa que conta o piragüismo nesta zona, ao tratarse dunha disciplina deportiva con moito arraigo e afección. Falar do Club Kayak de Foz é falar de historia viva do piragüismo lucense. A punto de cumprir 35 anos, conta con máis de 70 deportistas integrando as súas filas. Somos conscientes de que a súa labor resulta fundamental para promover un estilo de vida saudable e fomentar entre os máis pequenos valores tan importantes como o compañeirismo ou a superación persoal, valores intrínsecos a este deporte. Por iso consideramos que esta instalación non é un gasto, senón unha inversión de futuro”, destacou Campos Conde.
Voto en contra do PP
O Goberno da Deputación presentou ao Pleno do mes de outubro de 2016 unha proposta para achegar 100.000 euros ao Club Kayak de Foz. Con este orzamento, o Executivo Provincial buscaba financiar a ampliación das instalacións desta entidade, en resposta á petición que lle formulou o club focense. Porén, o Partido Popular votou en contra da proposta do Goberno Provincial para poder iniciar a execución do proxecto, que se viu retrasado catro meses, bloqueando o inicio dos traballos ata o mes de febreiro. Con todo, na inauguración de hoxe tamén participou o Deputado Provincial polo PP, José Manuel Yanes Ginzo.
Características
O novo edificio conta con dúas plantas. A zona baixa reservarse para o almacenamento de piraguas e tamén conta cun taller para poder levar a cabo pequenas reparacións, mentres que no segundo piso habilitouse unha zona de oficinas e de usos múltiples. A necesidade de realizar estas obras vén dada polas graves deficiencias que presentaba a antiga instalación, cun importante deterioro da cuberta, e a escaseza de espazo debido ao crecemento exponencial do club nos últimos anos.
Club Kayak de Foz
O Club Kayak de Foz fundouse no 1983 e actualmente dispón dunhas 70 licenzas federativas. É o organizador da Travesía de Foz, un dos eventos máis importantes que teñen lugar na Mariña no eido deportivo. En efecto, trátase da terceira proba deste tipo máis lonxeva de España e a segunda de Galicia. Dende que se organizou por primeira vez, no ano 1962, veuse disputando de maneira ininterrompida ata a actualidade. A Deputación é a principal patrocinadora deste evento deportivo, pois achega 7.000 euros, mentres que o Concello de Foz aporta 5.000 euros e a Xunta 1.500.
Apoio ao piragüismo
A achega para a construción do novo hangar en Foz, enmárcase na aposta do Goberno da Deputación polo pulo ao piragüismo na provincia luguesa e sumase ás axudas de 200.000 euros que se concederon aos 7 clubs desta práctica deportiva que hai na provincia. Estes son: Club Deportivo San Ciprián, Club Piragüismo Cidade de Lugo, Club Fluvial de Lugo, Club Kayak de Foz, Club Piragüismo Viveiro, Club Piragüismo Altruan e Club Montaña Quixós.
Así mesmo, o Executivo Provincial achegou 85.000 euros a través dun convenio á posta en marcha e revitalización da escola de piragüismo de titularidade provincial de cara á temporada 2017-2018. Deste xeito, son os propios clubs os que directamente xestionan a escola de piragüismo, situada no entorno de Os Robles.
Esta iniciativa responde ás peticións dos 7 clubs, que consideran que é a axeitada para a posta en valor desta disciplina deportiva en Lugo e resulta un paso intermedio para que a Escola garanta a selección de novas promesas nesta disciplina, e deste xeito, acadar os niveis de anos anteriores. Tamén contempla a contratación de máis monitores de adestramento, adquisición de novo material técnico, así como a promoción do piragüismo no conxunto do territorio lugués, con campañas divulgativas que se levarán, por exemplo, aos centros educativos.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
