A Mariña, 27 de outubro de 2017. A Mancomunidade de Municipios da Mariña comezou no IES de Foz, a actividade formativa destinada á restauración e á hostalería desta comarca. Está organizada, por segundo ano consecutivo, coa colaboración de A Mariña Federación. O presidente da Mancomunidade, Alfredo Llano, anuncia que en marzo chegará a este centro unha cociñeira italiana, dentro dun Erasmus, coa que se poderá compartir experiencias.
O presidente da Mancomunidade de Municipios da Mariña declarou que “seguimos este ano co proxecto que comezamos o ano pasado, co programa formativo con respecto á hostalería e restauración porque nos parece que desde a Mancomunidade debemos esforzarnos en mellorar todos os aspectos relativos ao turismo”.
Alfredo Llano salientou que “para ter un turismo de calidade e un servizo de calidade que dea resposta a ese turismo temos que ter ben formada á xente, que teña un nivel extraordinario, que poida atender xa sexa a un turista nacional ou estranxeiro. O ano pasado deu moi bo resultado no IES de Foz e noutros lugares nos que se foron facendo xornadas, seminarios e algún taller. Vimos que tivera moi bo resultado e moi boa aceptación na xente da hostalería en xeral, e entón este ano fixemos o mesmo”.
O presidente da Mancomunidade lembrou que “xa se comezou esta semana co novo proxecto. Estanse facendo talleres e este ano temos de novidade que imos defender a carta, o profesional ten que defender a carta que se ofreza no restaurante no idioma correspondente, en inglés, en francés ou no que corresponda. Tamén imos tratar de abarcar máis contido nas cartas, que sexan máis completas tanto para o cliente como para o profesional da restauración”.
Llano anunciou que “imos facer algo novidoso e no mes de marzo, pensamos que na primeira semana, a través dun programa Erasmus, imos ter no IES de Foz unha cociñeira profesional que ven de Italia. Imos ofrecer aos profesionais que están agora no programa a oportunidade de ver cómo se fai en Italia, que falen un pouco de todo. Eu penso que vai enriquecer moito a oferta tanto en cartas, como en comidas e pratos. Todo o que sexa informar e coñecer penso que vai se positivo ao final para todo o mundo. Hai bastante xente que quere vir. Fixemos este ano grupos de traballo un pouco máis reducidos, porque é moito mellor para que poida participar todo o mundo, están entre cinco ou seis en cada un dos talleres. Esperemos que dea o resultado que agardamos e imos continuar posiblemente no futuro”.
Ruta da faba
Alfredo Llano comentou tamén que “o próximo luns, día 30, imos anunciar algo que para min é moi importante como é as Rutas da Faba, que non se refiren única e exclusivamente a Lourenzá, hai outros sitios na Mariña onde se planta faba. Aínda que se comeza en Lourenzá porque aí ten importancia, está a cooperativa, imos darlle esa denominación para motivar á xente a que a través de diversos concellos poida ver e observar onde se planta a faba, e que se vexa e aprecie o que pode ver en cada un dos concellos e en cada un dos pobos por onde pasa. Faremos isto o día 30 ás doce da mañá. Comezaremos en Lourenzá, despois iremos ao Pazo de Tovar e estaremos de visita por aquilo que mereza a pena ver en Lourenzá. Animar a toda a xente que queira ver isto que non soamente é económico senón cultural, poder apreciala e disfrutala na nosa Mancomunidade”.
Os hosteleiros que reciben estas semanas a formación ofrecida pola mancomunidade da Mariña, o IES de Foz e a FCAM poderán compartir experiencias en marzo cunha cociñeira profesional chegada desde Italia, segundo deu a coñecer Alfredo Llano
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
