Burela, 2 de novembro de 2017. A Concellería de Servizos Sociais informa que está aberto o prazo para solicitar a participación no programa Xuntos polo Nadal.
Patricia Otero lembra que “este programa está organizado pola Consellería de Política Social, a través da Dirección Xeral de Maiores e Persoas con Discapacidade. Dito programa quere que as persoas maiores residentes en Galicia e que polo Nadal se atopen soas, pasen estas datas acompañadas, polo que consiste nunha estancia dende o 23 de decembro de 2017 ata o 7 de xaneiro de 2018. Ofértanse 120 prazas para a provincia de Lugo na Residencia de Tempo Libre de Panxón, en Carballido (Ourense)”.
A concelleira de Servizos Sociais lembra que “este programa está dirixido ás persoas maiores de 60 anos, deben estar empadroadas nalgún dos concellos galegos, vivir solo/a, valerse por si mesmos, non sufrir ningunha enfermidade infecto-contaxiosa ou trastornos mentais ou conductuais, ter un nivel de ingresos económicos baixo e que vaian estar soas no Nadal”.
Otero engadiu que “os participantes cuns ingresos inferiores ao IPREM (532,51 €) asistirán de forma gratuíta e os que superen dito importe contribuirán ao pagamento da estadía coa achega de 50 euros”.
A edil burelesa dixo que “o prazo para participar neste programa remata o día 17 deste mes de novembro, e os/as interesados/as deberán dirixirse ao departamento de Servizos Sociais do Concello de Burela en horario de 8:00 a 15:00 horas de luns a venres”.
A concellería de servizos sociais de Burela informa que ata o 17 de novembro está aberto o prazo para solicitar a participación no programa “xuntos polo nadal”. O obxectivo é que ninguén pase en solitario ditas festas
Relacionado
-
Acisa Ribadeo presenta unha publicación especial polos seus 37 anos e o Premio Nacional, coincidindo coa XII Gala Anual
-
Voluntarios de Alcoa e a Comisión de Festas de Lieiro realizan labores de limpeza e mellora na Capela do Guioncho
-
O PP afirma que “o goberno local de Lourenzá segue sen abonar os premios do Entroido sete meses despois do desfile”
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
