Lugo, 2 de novembro de 2017.- A Consellería de Infraestruturas e Vivenda impulsa modificacións puntuais nas liñas e horarios do plan de transporte público por autocar para mellorar as conexións dos concellos da Mariña lucense co Hospital da Costa.
Así o explicou o delegado territorial da Xunta de Galicia en Lugo, José Manuel Balseiro, quen indicou que as novidades están pensadas en beneficio daquelas persoas que teñen que acudir ás consultas dos especialistas ou a realizar probas médicas no centro hospitalario mariñán.
Ampliación de ruta para dar servizo ao Vicedo-Hospital da Costa
De feito unha das principais novidades é a extensión da liña Ferrol-Viveiro ata Burela, o que beneficiará especialmente á veciñanza do municipio do Vicedo, que ata o de agora non dispoñía de ruta directa por autocar co Hospital da Costa.
A Xunta faise eco dunha demanda promovida polo Concello do Vicedo que deste xeito suma seis novas expedicións: dous idas e dous regresos diarios de luns a venres, e unha expedición de ida e volta nas fins de semana.
Hai paradas previstas no Vicedo-Colexio, Moreiras, San Román, Fulgueiro, Escourido, Sirenas e de aí continuará por Viveiro, Xove e Cervo ata chegar ata o Hospital da Costa en Burela
Cambios de horarios
A Xunta tamén vén de autorizar cambios nos horarios de conexión da liña que une Lugo con Viveiro, de tal xeito que as paradas previstas en Mondoñedo (Os Remedios e estación de autobuses), en Lourenzá e en Barreiros adiántase para facelo compatible tamén co horarios de consultas e probas do Hospital da Costa.
Esta demanda, liderada polo Concello de Mondoñedo, incluirá tamén catro expedicións diarias, de luns a venres (con ida e volta) e dúas nos fins de semana (ida e regreso)
Dáse a circunstancia que os novos horarios facilitan tamén o desprazamento desde Burela e outros puntos da comarca aos alumnos que cursan estudos de formación profesional no IES de Mondoñedo, pois se compatibiliza co horario de entrada do centro.
“Trátase de coordinar horarios e paradas, aproveitando a experiencia acumulada nestes meses de servizo, como oportunidade para mellorar a mobilidade en toda a comarca. Os cambios que introducimos están pensados especialmente para as localidades do rural que están máis dispersas e así prestar a máxima cobertura territorial”
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
