Lugo, 23 de novembro de 2017. O Presidente, Darío Campos Conde, informou que este xoves se celebrou no Pazo de San Marcos un Pleno do Consorcio de Bombeiros ao que puideron asistir os propios profesionais que prestan este servizo na provincia “para que teñan toda a información de primeira man e non traten de enganalos”, explicou Campos Conde.
Na sesión, aprobouse o orzamento para 2018 deste organismo, que legalmente financia ao 50% Deputación de Lugo e Xunta de Galicia, tal e como recollen os Estatutos do Consorcio. É un presuposto inicial de 4,9 millóns de euros, pois, unha vez que se aproben as contas provinciais e autonómicas (legalmente non se pode facer antes), este debe incrementarse en 660.000 euros (330.000 da Deputación e 330.000 da Xunta) para poder equiparar as condicións salariais dos bombeiros de Lugo ao do resto de Galicia, tal e como demandan os propios profesionais e defende a Deputación.
Campos Conde adiantou que “ao igual que xa fixemos no 2017, no orzamento da Deputación para 2018 incluiremos os 330.000 euros da Deputación. Hoxe a Xunta aseguronos a todos durante o Pleno que este ano si vai a achegar a parte que lle corresponde, cedendo, ao parecer, despois dun ano de constantes demandas e reivindicacións. Agardamos que cumpran coa palabra dada para que, dunha vez por todas, poidamos igualar os salarios dos bombeiros da provincia de Lugo”.
Para poder incrementar o presuposto en 660.000 euros, o documento recolle que este “poderá ser ampliado ao longo do 2018 polo importe das cantidades aportadas polos entes consorciados para a modificación salarial do persoal que presta servizos os parques de bombeiros dependentes deste consorcio provincial”.
Nas contas para este ano, e maiores dos 4,9 millóns e dos previstos 660.000 euros que se deberán aportar, figuran partidas doutros 312.000 euros para investimentos cos que atender ás necesidades dos parques.
Modificación dos Estatutos e negociación colectiva
Cómpre lembrar que este ano nin tan sequera se puido incrementar as nóminas destes profesionais cos fondos que sí achegou a Deputación e que, polo tanto, quedaron nos remantes do organismo provincial de 2017, polos impedimentos legais para facelo e trámites. Isto requería da modifación dos Estatutos do Consorcio, que fixan que legalmente está financiado aos 50% por Deputación de Lugo e Xunta Galicia, que non quixo achegar a súa parte. Tamén se requería da previa negociación entre as empresas concesionarias e os traballadores para a modificación dos Convenios Colectivos, na que teñen que avanzar, entre outros trámites obrigatorios segundo a normativa vixente.
Cambio de xestión no 2019
Ao respecto do cambio no modelo de xestión cara o público no 2019, a Xunta asegurou que só o aceptaría se a Deputación asume as seguintes condicións, que presentou formalmente ao Pleno: “1) que a Deputación asuma os posibles incrementos de custes calquera se fose a súa natureza que, respecto das actuais empresas adxudicatarias do servizo puideran producirse durante o proceso de cambio ou como consecuencia deste, eximindo á Xunta de Galicia de calquera pago a este respecto. 2) que a Deputación asuma calquera consecuencia xurídica así como toda indemnización económica que derive das reclamacións que puideran xurdir por parte dos actuais bombeiros dos consorcios a raíz dos procesos selectivos que fora preciso realizar para o cambio do modelo de xestión. 3) que a Deputación asuma o custo económico a maiores do actual, de producirse, que para o mantemento do servizo puidera derivarse do sistema de xestión directa, tendo en conta que a Xunta de Galicia non asumirá a diferencia entre o custo acutal do mantemento dos consorcios e o que puidera supoñer no futuro”.
Todo isto, cando a Xunta financia nun 50% os parques de bombeiros de Lugo e nun 61% os de Ourense. Se a Deputación non asume as condicións da Xunta, esta non está disposta a crear nin tan sequera un grupo de traballo no sedo do Consorcio que avance cara o cambio de xestión dos parques no 2019, que é cando rematan os contratos coas empresas concesionarias deste servizo. Este grupo de traballo foi solicitado polo Presidente da Deputación de Lugo pois, ata o de agora, só traballaron conxuntamente as Deputacións de Lugo, A Coruña e Pontevedra, elaborando os informes xurídicos e económicos que avalan o cambio de xestión cara o público. É necesaria a implicacón da Xunta como responsable legal do 50% do Consorcio. Sen embargo, a administración autonómica sempre se mantivo ao marxe e a Deputación de Ourense opúxose dende o primeiro momento ao cambio do modelo actual, que é o da xestión indirecta.
Bolsa de traballo e cumprimento das empresas
A petición de Campos Conde e ante as reclamacións dos traballadores, o Consorcio Provincial de Bombeiros esixirá ás empresas adxudicatarias a convocar e crear unha bolsa de traballo pública á que recorrer no caso de necesitar persoal. Hoxe aprobaronse as condicións deste proceso. Tamén se acordou contratar a elaboración dun ditame sobre o grao de cumprimento dos pregos por parte das concesionarias.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
