Lugo, 9 de novembro de 2017.- O presidente do Goberno galego, Alberto Núñez Feijóo, destacou hoxe que Galicia contará, no primeiro semestre de 2018, co Observatorio Autonómico dos Ríos que permitirá avaliar e poñer en valor os estado ambiental, económico-social e cultural dos leitos fluviais da Comunidade, así como elaborar informes e estudos nos cales se recollan as políticas autonómicas para a súa promoción e valorización.
Durante o acto de inauguración das obras de ampliación e reforma do Club Fluvial de Lugo, Feijóo explicou que este órgano actuará ademais como foro de encontro interdisciplinar entre os organismos públicos e a sociedade civil e do coñecemento, unha colaboración que permitirá obter información periódica e pormenorizada sobre o estado dos ríos galegos.
Nesta liña, salientou que o Club Fluvial de Lugo soubo, desde a súa fundación hai 82 anos, ver as oportunidades que ofrecía o río Miño, tanto no eido das actividades deportivas –piragüismo, natación e tríatlon-, como no relativo a actividades culturais.
Ao longo da súa intervención, Feijóo afirmou que se hoxe Galicia pode presumir do piragüismo galego é grazas, en parte, ao traballo de agrupacións como o Club Fluvial, cuxa sección de piragüismo é a máis antiga de Galicia e unha das tres máis antigas de España.
Así mesmo, destacou, entre outras, a traxectoria de piragüistas como Modesto Teijeiro Valledor, Luis Gregorio Ramos Misioné, Cristian Isaac Toro, Chilares ou Pedro Cuesta. “O percorrido deportivo destes piragüistas amósanos a importancia que ten o piragüismo en Galicia e, en concreto, na cidade de Lugo”, abundou.
Por último, o presidente da Xunta resaltou que o Club Fluvial de Lugo é un dos colectivos con maior arraigo e identidade da cidade, tanto pola súa traxectoria e o seu elevado número de inscrito, que na actualidade supera as 14.500 persoas entre socios titulares e beneficiarios, como polo seu carácter aberto e inclusivo, xa que sempre tivo as portas abertas a toda a cidadanía.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
